Loading ...
Kryeministri Edi Rama këtë të martë ka inspektuar nga afër punën për rindërtimin e pallateve të dëmtuara nga tërmeti i nëntorit të 2019-ës.
Sipas kreut të qeverisë puna në këtë zonë për riparimin e pallateve me dëmtime të rënda DS4 është drejt përfundimit.
Duke theksuar se kanë përfunduar projektet më të vështira, Rama tha se ajo që ka kaluar është me e gjatë se çfarë mbetet për t’u pritur në përfundim të rindërtimeve.
“Ne mund ti konsiderojmë të mbyllura të gjitha projektet e zbatimit DS4. Pak a shumë. E rëndësishme është që kanë përfunduar këto projekte se këto ishin gjëja më e vështirë. Besoj që mund të themi se çfarë ka kaluar është shumë më e gjatë se çfarë mbetet për tu pritur”, ja thënë Rama
Ndërkohë nga ana tjetër ministri i Rindërtimit Arben Ahmetaj i cili shoqëronte Ramën në këtë inspektim tha se nuk ka pasur probleme me financimin./abcnews.al
