Studiuesit në Izrael kanë identifikuar një lloj të panjohur më parë të njeriut antik që ka jetuar më shumë se 100 mijë vjet më parë. Ata besojnë se mbetjet fosile, të zbuluara pranë qytetit të Ramlës përfaqësojnë një nga “të mbijetuarit e fundit” të një grupi njerëzor shumë të lashtë.
Gjetjet përbëhen nga një kafkë dhe nofullë e pjesshme nga një individ i cili jetoi midis 140.000 dhe 120.000 vjet më parë. Shkencëtarët e kanë quajtur specien e sapo zbuluar si “Nesher Ramla Homo”. Dr. Hila May në Universitetin e Tel Avivit tha se zbulimi riformoi historinë e evolucionit njerëzor, veçanërisht se si u shfaqën Neandertalët.
Studiuesit argumentojnë se njerëzit Nesher Ramla mund të jenë popullata e ‘humbur’ e hipotezuar më parë që u bashkuan me njerëzit modernë 200,000 vjet më parë. /abcnews.al
