Matthijs De Ligt është një nga objektivat e Barcelonës për repartin e mbrojtjes, por 21-vjeçari holandez ndihet për mrekulli te Juventusi dhe në deklaratën e dhënë për ESPN refuzon mundësinë e transferimit në “Camp Nou”.
“Jam shumë i lumtur te Juventusi, ndihem si një peshk në ujë. Edhe pse kemi pasur performanca negative si skuadër, unë ndihem shumë mirë në fushë. Barcelona hapi i radhës? Nuk e di, nuk ka sens t’i përgjigjem tani kësaj pyetje.
Nuk ka rëndësi për mua interesimi i tyre, askush nuk është paraqitur akoma me ofertë zyrtare. Juventus? Mbyllem një sezon me ulje-ngritje, kemi hasur vështirësi në aspektin fizik dhe mendor.
Qëndrova 3 muaj jashtë fushave për shkak të dëmtimit në shpatull, sapo u rikuperova u infektova me COVID. Vaksina? Jo, nuk e kam bërë. Nuk është e detyrueshme, më mirë të kujdesemi vetë për fizikun tonë“, deklaroi mbrojtësi holandez. /abcnews.al
