Një fabrikë me tulla është përfshirë nga zjarri në Maminas, Shijak. Siç raporton gazetari Leonidha Mussaj për abcnews.al mëson se ngjarja ka ndodhur pak më parë në në rrugën dytësore në Maminasit.
Fatmirësisht nuk raportohet për dëme në njerëz, ndërkohë që punonjësit janë evakuuar. Në vendin e ngjarjes kanë mbërritur shërbimet zjarrfikëse, të cilët po punojnë për neutralizimin e flakëve.
Nga pamjet shihet se zjarri ka marrë përmasa të mëdha dhe tymi i zi ka mbuluar të gjithë zonën. Ndërkohë, ende nuk dihet shkaku i rënies së zjarrit.
Njoftimi i policisë:
Më datë 28.05.2021, rreth orës 11:15, në rrugën dytësore në Maminas, Shijak ka rënë zjarr, në fabrikën e re të tullave.
Menjëherë në vendngjarje kanë shkuar Efektivet e Policisë dhe Zjarrëfikëset, të cilët kanë avakuuar personelin dhe po punojnë për shuarjen e flakëve dhe sqarimin e shkaqeve të rënies së zjarrit.
g.v/abcnews.al
