Barcelona ngeci në një barazim pa gola përballë Atletico Madrid, duke humbur një shans të artë për të dalë në krye të renditjes. Zhgënjim i madh në kampin katalanas, teksa Gerard Pique foli për mediat pas sfidës së luajtur në “Camp Nou”.
“U përballëm me skuadrën që ka mbrojtjen më të fortë, por ia dolëm të krijojmë raste për gol me anë të Leo Messit dhe Ousmane Dembele. Edhe pse nuk e kishim kontrollin e lojës, u shfaqëm shumë të rrezikshëm ndaj Atleticos.
Mund të bënim diçka më shumë në pjesën e parë. Titulli? Gjithçka mund të ndodhë. Unë mendoj se do të fitojmë titullin nëse ia dalim t’i fitojmë tre ndeshjet e mbetura. E kemi detyrim të luftojmë deri në momentin e fundit.
Sigurisht që nuk varet nga ne, kjo do të thotë që nuk i kemi realizuar siç duhet detyrat tona“, deklaroi mbrojtësi katalanas. Atletico ndodhet në vend të parë në La Liga me 77 pikë, ndërsa Barcelona numëron dy pikë më pak. /abcnews.al
