Pandemia preku ndjeshëm turizmin, të rrallë janë grupet të cilët shfaqen në Tiranë këtë kohë pandemie. Një grup turistësh nga Ukraina, vizitojnë kryeqytetin tone për herë të parë, por e hëna nuk është dita më e mirë për të shijuar turizmin kulturor, pasi muzetë dhe galeria e arteve e kanë ditë pushimi, dyert e tyre janë të mbyllura. Ata munden të fiksonin foto me skulpturat para hyrjes dhe skulpturat e diktatorëve pas.
Ukraina renditet një ndër 3 shtetet me numrin më të lartë të turistëve në Shqipëri. Vështirësia e tur-operatorëve qëndron edhe tek reduktimi i numrit të turistëve, pasi nga 55 vende në një autobus nuk lejohen më shumë se 37 në këtë periudhë pandemie.
Në rrugët e kryeqytetit, nuk mungojnë edhe shqiptarë të Kosovës të cilët kanë preferuar të kalojnë një ditë ndryshe ne Tiranë. Sipas të dhënave të INSTAT 58% më pak shtetas të huaj kanë vizituar Shqipërinë gjatë vitit pandemik 2020 në krahasim me vitin 2019.
Vihet re se pjesa më e madhe e të huajve që vizituan vendin janë kryesisht turistë nga vendet e rajonit. Kështu numri më i madh i shtetasve të huaj në vitin 2020 erdhën:
- Nga Kosova – 1.4 milion vizitorë
- Nga Maqedonia e Veriut – 370,135 vizitorë
- Nga Greqia – 203,445 vizitorë
- Nga Mali i Zi – 174,233 vizitorë
- Nga Italia – 123,489 vizitorë
/Abcnews.al
