turiste

tu-9.jpg
in a11:03 | 11/03/2020

Shqipëria është prekur nga koronavirusi dhe qeveria ka dhënë masa parandaluese për përhapjen e virusit.

Por mesa duket kjo nuk i ka ndaluar një grup turistësh të qarkullojnë nëpër Tiranë.

Ditën e sotme në rrugët e kryeqytetit një grup turistësh prej 30 personash të ardhur nga Austria kanë vizituar disa pika turistike në kryeqytet. Mësohet se turistët kanë hyrë në Shqipëri ditën e djeshme dhe kanë kaluar nga Moriçani.

Udhëheqësi i grupit tha për Junxhin Mustafaraj se situata vazhdon normalisht. Ai theksoi se nuk ka kufizime apo perceptim frike, pavarësisht masave të vendosura nga institucionet.

I pyetur se nëse ka pasur një ndryshim të rezervimeve ai u shpreh se ka pasur një rënie, ndërsa tregoi se një grup me 18 persona është reduktuar, duke mbetur me 3 persona. Ai gjithashtu tha se grupi i turistëve ka mbërritur dje në Shqipëri dhe se do të qëndrojë për 6 dit.

“Vij nga Austria. Nuk jam e frikësuar, unë jam këtu dhe do të qëndroj. Do të vizitojmë Tiranën, Durrësin. Gjithashtu turistja tha se grupi përbëhet prej 30 personash”, u shpreh një prej turistëve.

turiste.jpg
in a12:21 | 24/12/2019

Trena të bllokuar dhe linja metrosh të ndërprera që nga ditët e para të muajit dhejtor. Parisi është një nga qytetet më të goditura nga vala e grevave kundër reformës së pensioneve. Për këtë arsye kryeqyteti francez ka humbur shumë turistë.

Sipas organizatës UMIH të sektorit të turizmit përqindja e turistëve në hotelet pariziene është 30 për qind më pak në krahasim me dhjetorin e një viti më parë, ku në qendër të vëmendjes ishin protestat e jelekëve të verdhë.

Grevat kanë shkaktuar një rënie deri në zero të prenotimeve. Fundjava e parë e dhjetori shënoi 50 për qind turistë më pak në hotele. Në këtë mënyrë bilanci që mbyllet në 31 dhjetor do të preket shumë nga këto protesta duke shënuar 5 për qind më pak në xhiron vjetore.

Situata është shumë negative dhe për tregtarët e kryeqytetit francez të cilët kanë shënuar një rënie prej 50 për qind të fuqisë blerëse. Muaji dhjetor në përgjithësi është muaji më fitimprurës për tregtarët.

Edhe Opera e Parisit vuan pasojat pasi ka humbur 8 milion euro në bileta në më pak se 2 javë. Ministri francez i ekonomisë, Bruno Lemer premtoi masa në mbështetje të tregtisë dhe hoteleve e restoranteve. Përfshirë këtu dhe autorizimn për të qëndruar hapur të dielave./abcnews.al

shqiptare-1.jpg
ad min15:42 | 24/09/2019

Gushti ka rezultuar muaji më i frekuentuar nga turistët e huaj, ndërkohë që shqiptarët kanë zgjedhur të pushojnë jashtë vendit. Janë këto të dhënat zyrtare që ka bërë publike Instituti i Statistikave.

Shqipëria është preferuar nga më shumë se 1 milionë e gjysmë turistë gjatë muajit Gusht. Të dhënat zyrtare të institutit të statistikave tregojnë të detajuara shifrat në rritje krahasuar me Gushtin e vitit të kaluar.

“Hyrjet e shtetasve shqiptarë dhe të huaj në territorin shqiptar, në muajin Gusht 2019, janë rreth 2 milionë e 257 mijë. Krahasuar me Gusht 2018, ky tregues rezulton me rritje 6,4 %. Në Gusht 2019, hyrjet e shtetasve të huaj në vend janë rreth një milionë e 557 mijë, krahasuar me Gusht 2018, ky numër është rritur me 7,4 %”.

Numri i shtetasve të huaj që kanë hyrë në vendin tonë përgjatë tetë muajve të 2019 është afro 4.870.588, duke u rritur me 10,8 %, në krahasim me të njëjtën periudhë të vitit 2018.

Të dhënat e INSTAT tregojnë se në Gusht të këtij viti, ndër vendet që kanë hyrjet më të larta të shtetasve në Shqipëri, Maqedonia ka pasur rritjen më të madhe me 19,2 %, ndërsa uljen më të ndjeshme e ka pasur Polonia me 19,6 %.

Polakët renditen të fundit edhe në përllogaritjen e shtetasve të huaj që kanë hyrë gjatë 8 muajve të fundit duke pësuar ulje të ndjeshme me 13,3 përqind krahasuar me vitin 2018, ndërsa e para në listë renditet Zvicra, janë 16,9 përqind më shumë zviceranë që kanë zgjedhur të vizitojnë Shqipërinë këtë vit.

E ndërsa të huajt shijojnë diellin dhe natyrën shqiptare në Gusht, shqiptarët kanë preferuar të nxihen kilometra larg vendit të tyre. Janë rreth 727 mijë shtetas që kanë udhëtuar drejt destinacioneve të huaja turistike duke shënuar një rritje me 5.4 përqind krahasuar me një vit më parë./ABC News Albania 24/7

anija-karaburun.jpg
ad min21:18 | 04/09/2019

Një anije turistike pësoi defekt në gadishullin e Karaburunit duke dhënë alarmin SOS në portin e Vlorës. Menjëherë një mjet tjetër turistik i ka ardhur në ndihmë pasagjerëve të cilët kishin mbetur në bord.

Të gjithë turistët zbarkuan rreth orës 19:40 në portin e Vlorës dhe ndodhen në gjendje të mirë shëndetësore. Anija me të cilën lundronin turistët pësoi defekt në dy helikat e saj./ABC News Albania 24/7

tursite.jpg
ad min15:56 | 27/08/2019

Gjatë këtij sezoni veror për Dhërmiun ka patur një interes më të lartë nga turistët e huaj se vendasit. Operatorët turistikë thonë se kryesimin e mbajnë shtetasit anglezë, të cilët kanë kuriozitet për të vizituar pikat turistike të fshatit dhe gjiret e Dhërmiut. 

Një destinacion i frekuentuar shumë këtë vit është Dhërmiu. Tani kur sezonit po i vjen fundi aty gjen akoma pushues. Operatorët turistikë flasin për kërkesa të larta nga të huajt.

Kryesimin e mbajnë anglezët që llogariten me mijëra ku vetëm në muajin Maj kane ardhur katër mijë turistë anglezë. Pas tyre vijnë italianet, spanjollët dhe francezët.

“Këtë vit ka pasur shumë turistë të huaj si dhe sidomos britanikë edhe francezë, italianë. Vijnë me një destinacion për të vizituar shpellën e Piratëve, gjirin e Gjipesë, shpellën e Pëllumbave”.

Ndryshe nga viti i kaluar për Dhërmiun dhe pikat turistike të tij kanë shfaqur interes më shumë të huajt se sa pushuesit nga trevat shqipfolëse.

“Ne jemi studentë, kemi ardhur për pushime këtu. Ne e dashurojmë këtë vend. Gjithçka është shumë e bukur, deti, uji, malet, njerëzit janë pozitivë.”

Dhe për disa ditë Dhërmiu do të mirëpresë turistë nga e gjithë bota të cilët duan të shijojnë plazhin para përfundimit të sezonit veror./ABC News Albania 24/7

dy-turiste.jpg
ad min13:24 | 26/08/2019

Policia arriti të gjejë dy turistët hungarezë, të cilët kishin humbur rrugën mbrëmjen e kaluar, në zonën e Karaburunit. Lokalizimi i tyre u bë i mundur mëngjesin e sotëm nëpërmjet GPS-së.

Gjetja e tyre dhe kontakti fizik me ta u bë rreth orës 10:00 në vendin e quajtur “Lerat”, në Llogara pasi terreni ishte i vështirë. Çifti kishte humbur kontaktet, rrugën dhe orientimin një ditë më parë dhe për shkak të terrenit të vështirë dhe errësirës, e kishte të pamundur kthimin mbrapa.

Aktualisht po bëhet transportimi i çiftit pranë vendndodhjes së tyre në zyrat e zonave të mbrojtura, në Parkun e Llogarasë. Turistët janë në gjendje të mirë shëndetësore./abcnews.al

ngjasrja.jpg
ad min11:57 | 18/08/2019

Pronari i lokalit që sulmoi dhe terrorizoi turistët spanjollë do të qëndrojë në burg. Gjykata e Vlorës pavarësisht garancisë së afruar nga avokatët dhe pretendimeve të tyre nuk bëri asnjë tolerim. Vetë Mihal Kokëdhima tha se ishin turistët ata që e morën para me makinë.

Mihal Kokëdhima u la në burg nga Gjykata e Vlorës. Kjo është masa e sigurisë nga gjyqtarja Esmeralda Habilaj. 51-vjeçari akuzohet për “kanosje”, “dëmtime të tjera me dashje” dhe “shkatërrim të pronës”.

Mihal Kokëdhima, u arrestua tre ditë më parë nga policia, pasi sulmoi dhe rrezikoi jetën e një grupi turistësh spanjollë. Ai u hodh mbi kofanon e furgonit ku ata udhëtonin, dhe në tre kilometra rrugë në ecje i ka terrorizuar. Theu xhamin dhe bërtistë.

Kjo ndodhi pasi turistët u larguan nga restoranti i tij në “Porto Palermo” të Himarës. Ata pritën gjatë për porosinë që nuk u erdhi.

Vetë Mihal Kokëdhima pretendoi  se ishin turistët që tentuan ta shtypnin me furgon dhe se ai iu hodh automjetit për të shpëtuar. Avokatët e tij të studios “Cakrani” kërkuan masë më të lehtë se arresti me burg siç kërkoi prokurori Saimir Smaka.

Mbrojtja ngriti pretendimet se nuk qëndron asnjë nga akuzat e ngritura,  prandaj ai nuk duhet mbajtur në burg. Avokatët kërkuan që Mihal Kokëdhima të lirohet me garanci pasurore deri në 3 mijë euro, ose një vlerë tjetër që ta përcaktojë gjykata.

Ndërkohë po bëhen verifikime pasi restoranti i ndërtuar mbi plazh në Porto Palermo, rezulton prej vitesh (para 2012-s) pa leje dhe është në proces legalizimi. /ABC News Albania 24/7

klosi-2-1280x710.jpg
ad min15:30 | 17/08/2019

Ministri i Turizmit Blendi Klosi ka deklaruar në mbledhjen e Task Forcës së turizmit në Durrës se Shqipëria këtë muaj ka pritur më shumë turistë se vitin e kaluar. Ai ka vlerësuar punën e bërë në këtë qark për sa i përket pastërtisë në plazhe , lirimin e hapësirave publike dhe rojet bregdetare.

Në mbledhjen e Task Forcës së Turizmit në Durrës ministri Blendi Klosi vlerësoi punët e bëra nga institucionet vendore në këtë qark për këtë sezon turistik.

Klosi tha se janë bërë përmirësime për sa i përket pastërtisë në plazhe dhe rikthimit të hapësirave publike në shërbim të qytetarëve.

Deri tani nuk ka jetë të humbura nga mungesa e rojeve bregdetare në këtë qark u shpreh Klosi.

Në krahasim me Gushtin e vitit te kaluar Shqipëria këtë sezon ka pritur një numër më të lartë turistësh tha ministri.

Ministri Blendi Klosi deklaroi në mbledhjen me drejtuesit vendore se Durrësi do jetë qarku pilot i cili vitin e ardhshëm do të këtë një ofertë turistike për të gjithë qarkun  dhe jo thjesht për destinacione të caktuara./ABC News Albania 24/7

spain.jpg
ad min13:17 | 16/08/2019

Familjen spanjolle që ra pre e një konflikti me pronarin e restorantit në Porto Palermo, e ka vizituar ministri i Turizmit dhe Mjedisit Blendi Klosi. Në profilin e tij në Facebook, Klosi shkruan:

“Në mëngjes me familjen e pushuesve nga Spanja,  që dje përjetuan një eksperiencë konflikti në Himarë, që nuk është as në traditën shqiptare të mikpritjes dhe as në kulturën tonë për trajtimin e miqve”.

Klosi shton se, ashtu sikurse i kishte pohuar edhe përfaqësuesi i familjes Galdon, “një njeri i vetëm nuk përfaqëson Shqipërinë”. Në status, Klosi thotë se familja spanjolle ka vlerësuar reagimin e menjëhershëm të autoriteteve dhe interesimin e drejtpërdrejtë të qeverisë.

/ABC News Albania 24/7

tursitet-1280x720.jpg
ad min16:02 | 15/08/2019

Pesë turistë spanjolle u përballën me agresivitetin e një pronari në Borsh të Sarandës. Incidenti ndodhi pasi turistët janë ankuar për shërbimin në lokal dhe u larguan me makinën e tyre.

Në këtë moment pronari i lokalit i ka ndjekur nga pas duke i fyer. Gjithashtu thuhet se ai ka qëlluar edhe me gurë, por policia ende nuk e konfirmon një fakt të tillë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono