Pas largimit të të gjitha klubeve angleze nga Superliga Europiane, “eksodi” transferohet edhe në Spanjë, ku klubi i parë që njofton tërheqjen është Atletico Madrid. Bardhekuqtë e njoftojnë këtë përmes një deklarate për mediet.
DEKLARATA – Bordi drejtues i Atletico Madrid, që u mblodh këtë të mërkurë në mëngjes, ka vendosur të komunikojë zyrtarisht me Superligën dhe pjesën tjetër të klubeve themeluese vendimin e tij për të mos zyrtarizuar përfundimisht aderimin në projekt.
Atletico Madrid e mori vendimin të hënën e kaluar për t’u bashkuar me këtë projekt në përgjigje të rrethanave që nuk ekzistojnë më sot. Për klubin, harmonia është thelbësore midis të gjitha grupeve që përbëjnë familjen bardhekuqe, veçanërisht tifozëve tanë.
Skuadra e ekipit të parë dhe trajneri i tyre kanë treguar kënaqësinë e tyre me vendimin e klubit, duke kuptuar që meritat sportive duhet të mbizotërojnë mbi çdo kriter tjetër. /abcnews.al
Official statement.
— Atlético de Madrid (@atletienglish) April 21, 2021
