Pasi janë bërë 80 vaksina në orët e para të mëngjesit, këtu në sheshin qendror të Fierit është ndërprerë procesi i vaksinimit në pritje të furnizimit të radhës.
Deri në mesditë vaksinat nuk ka pasur. Qëndrojnë me orë të tëra jashtë në të ftohtë, në pritje të mbërritjes së dozave të radhës. Askush nuk I njofton këta të moshuar se kur do të vijë ky moment.
“Presim kam një orë e gjysmë. Na thanë presin të vijnë vaksina nga Vlora.”
“Do presim ç’të bëjmë.”
Ka dhe nga ata të moshuar që vijnë për herë të tretë po nuk gjejnë vaksina
“Kam 3 ditë që vij po bëhen në mëngjes e më pas nuk gjej. Mu sos durimi.”
Kjo nuk është hera e parë që të moshuarit e Fierit nuk I sqaron askush në lidhje me procesin e vaksinimit. Në fillim të vaksinimit mjekët e familjes nuk koordinoheshin me epidemiologët. Ndërsa tani kur ndërpritet procesi prej mungesës së vaksinave të moshuarit nuk njoftohen se kur priten të vijnë dozat e radhës./abcnews.al/
