Rriten lehtë temperaturat, si do të jetë moti për sot

schedule07:40 - 25 Mars, 2021

schedule 07:40 - 25 Mars, 2021

Sipas MeteoAlb vijon ndikimi i masave ajrore të qëndrueshme, por të ftohta mbi territorin shqiptar duke kushtëzuar kthjellime gjatë paradites.

Por duke ju afruar mesditës vranësira kalimtare shfaqen fillimisht në zonat përgjatë kufirit lindor dhe gradualisht gjatë pasdites përfshijnë të gjithë vendin.

Temperaturat e ajrit rriten lehtë në vlerat e mëngjesit dhe mesditës duke bërë që të vlerat ditore të luhaten nga -4 deri në 13°C.

Era do fryjë mesatare dhe e fortë, me shpejtësi 30 km/h nga drejtimi Verilindor duke krijuar në det dallgëzim 3 ballë.

Kosova

Moti paraqitet me kthjellime gjatë pjesës së parë të ditës. Por pjesa e dytë e ditës sjellë kalime vranësirash nëpër territor POR pa rrezikuar reshje. Edhe orët e natës vijojnë me kthjellime dhe vranësira të lehta.

Maqedonia e Veriut

Paraditja paraqitet me kthjellime dhe vranësira kalimtare, ku më të shpeshta vranësirat do jenë në zonat perëndimore. Por pasditja sjellë largim të vranësirave dhe dominim të motit të kthjellët.

Rajoni dhe Europa

Vijon  ndikimi i masave ajrore të qëndrueshme mbi kontinentin Europian, duke diktuar mot të kthjellët në pjesën më të madhe të tij. Por Brigjet e Detit të Zi dhe Europa Verilindore mbetet me vranësira dhe reshje shiu./abcnews.al/

Mos rri jashtë: bashkohu me ABC News. Ne jemi kudo!