Të paktën dy persona kanë humbur jetën si pasojë e një shpërthimi të fuqishëm në një lagje të Ontarios në Kaliforni. Shpërthimi ndodhi në një depo të fshehtë fishekzjarrësh dhe shkaktoi dëme të mëdha në lagje, të martën mbrëma.
Zona u evakuua menjëherë ndërsa në banesat pranë pati dëme të mëdha. Xhamat e dritareve u thyen ndërsa shtëllungat e tymit dukeshin që nga larg.
Pamjet e postuara në mediat sociale tregojnë flakën dhe shtëllungat e tymit që dalin nga depoja e më pas një sërë fishekzjarresh shpërthejnë në ajër duke i bërë njerëzit që ndodheshin aty pranë të vraponin për t’u mbrojtur.
Steve Bailey, i cili jeton afër, tha se e gjithë shtëpia e tij u trondit nga shpërthimi fillestar. “Ndihej sikur diçka goditi çatinë, ose një makinë u përplas mbi shtëpi,” tha ai për mediat. sb/abcnews.al/
East L.A. has a lot of fireworks and this has never happened here. pic.twitter.com/Tkj73suYqH
— East L.A. News (@EASTLA_NEWS) March 17, 2021
