Kryeministri Justin Trudeau paralajmëroi se masat e shëndetit publik, duke përfshirë kufizimet në grumbullimet masive, do të duhet të vazhdojnë për javë të tëra pasi variantet e reja Covid-19, dhe një shpërndarje e ngadaltë e vaksinave, rrezikon të shkaktojë një valë të tretë.
“Ne duhet të vazhdojmë të marrim masa të ashpra,” tha Trudeau gjatë një konference shtypi duke shtuar se, “në të kundërt do të kemi një valë të tretë që do të jetë më e keqe se e para ose e dyta. ”
Zyrtarët kanadezë të shëndetit publik thanë se masat aktuale të shëndetit publik nuk do të jenë të mjaftueshme për të shmangur valën e tretë të Covid nëse “ushqehen” nga përhapja më e shpejtë e varianteve të Covid-19.
Provinca e Ontario njoftoi të premten se qyteti i Torontos dhe një nga rajonet fqinje të tij do të zbatohet masa e bllokimit deri me 8 Mars pasi kërcënimi i përhapjes së varianteve të reja vazhdon të shqetësojë zyrtarët shëndetësorë.
Ashtu si provincat dhe territoret e tjera në të gjithë Kanadanë, Ontario ka arritur të vaksinojë shumicën e popullsisë dhe stafit në azile./abcnews.al
