Kanada

coronavirus-stock-pic-1280x960.jpg
So Nila14:10 | 14/03/2020

Një ekip hulumtuesish në Kanada ka izoluar me sukses sindromën e rëndë akute të frymëmarrjes Koronavirus 2 (SARS-COV-2), përgjegjës për COVID-19.

Kjo arritje nënkupton se studiuesit që janë duke kërkuar të testojnë metodat e trajtimit, terapitë dhe vaksinat, tani kanë burime kanadeze që mund të ofrojnë qasje në patogjenin global, pa qenë e nevojshme që ata të ndërmarrin hapin komplikues të transportimit të virusit të gjallë përtej kufijve ndërkombëtarë.

Ekipi kanadez përfshin studiues nga Instituti i Kërkimeve Sunnybrook, Universiteti McMaster dhe Universiteti i Torontos.

Sipas një njoftimi të dhënë , izolimi është rezultat i një “bashkëpunimi të shpejtë” midis institucioneve, të cilët ishin në gjendje të kulturonin virusin në fjalë nga dy ekzemplarë klinikë./abcnews.al

2_ITV-documentary-on-the-Duke-and-Duchess-of-Sussex.jpg
So Nila12:50 | 14/03/2020

Rreziku ndaj Koronavirusit ka pushtuar të gjithë botën. Së fundmi edhe çifti shumë i përfolur Meghan Markle dhe Princi Harry u detyruan të marrin një vendim për sigurinë e djalit të tyre.

Ata vendosën ta lenë vogëlushin, Archie në Kanada dhe mos e marrin me vete në SHBA pasi situata është alarmante.

“Ka pasur biseda në lidhje me kujdesin ndaj kancerit në Ruanda, projekte të kërkimit të klimës në Indi, mirëpo si të parandalohet përhapja e koronavirusit në të gjithë globin?

Vendimi për të lënë Archie prapa në Kanada nuk u mor nga pamjet e vogla, siç raportohet në disa zona, por nga shqetësimi për shëndetin e tij gjatë kërcënimit të një pandemie globale”, tha Gazetari Bryony Gordon, një mik i ngushtë i çiftit gjatë një interviste.

Mesa duket adhuruesit e çiftit mbretëror duhet të presin dhe pak për të parë të voglin Archie./abcnews.al

collage-35.jpg
So Nila12:15 | 28/02/2020

Harry dhe Meghan zgjodhën të jetojnë në Kanada pas heqjes dorë nga titujt mbretërore. Prej disa muajsh ata janë zhvendosur atje së bashku me djalin e tyre Archie.

Shtëpia ku po jetojnë Meghan dhe Harry është një vilë luksoze në ishullin e gjelbër Vanvouver, me një kopsht të madh dhe me pamje nga oqeani. Vila kushton plot 18 milionë dollarë.

Sipas “New  Idea“, tokat që rrethojnë vilën luksoze të çiftit, do të mbillen së shpejti me bimë kanabisi.

Në afërsi të vilës prej 18 milion dollarësh, ishte një fermë shpendësh, por që tani është blerë nga një fermer kanabisi. Përdorimi i marihuanës në Kanada është i ligjshëm, por ndërkohë Harry dhe Meghan po kërkojnë edhe një shtëpi në Los Angeles./abcnews.al

 

 

 

 

 

 

 

3369.jpg
So Nila10:05 | 28/02/2020

Sapo nisën jetesën e re në Kanada, Harry dhe Meghan u përballën me disa “probleme” nga shteti i ri ku po qëndronin.

Qytetarët kanadezë vendosën kushte për çiftin duke firmosur një peticion në internet, ku kërkonin që duka dhe dukesha t’i paguanin vetë shpenzimet e tyre të sigurisë shkruan The Guardian.

Ata kërkuan të mos jenë të detyruar të paguajnë taksë për sigurinë e çiftit.

Kështu, Kanadaja ka vendosur që së shpejti të ndalojë sigurimin e Dukës dhe Dukeshës së Sussex, gjë të cilën e ka konfirmuar qeveria federale.

“Ndihma do të ndalojë në javët e ardhshme, në përputhje me ndryshimin e tyre në status,”- shkruhet në deklaratën e sigurisë publike.

Meghan dhe Harry do të largohen përfundimisht nga familja mbretërore më 31 mars, ndërsa ende po përfundojnë detyrat e tyre të fundit si çift mbretëror./abcnews.al

collage-5.jpg
So Nila15:22 | 06/02/2020

Gara e flokëve të ngrirë është ideale për pjesëmarrës që shkojnë të pushojnë në një pikë turistike ujërash termale në Yukon të Kanadasë. Ata qëndrojnë të zhytur në ujëra të ngrohta ndërkohë që me duar i japin forma të çuditshme flokëve të tyre teksa ngrijnë. Artin e tyre duhet ta bëjnë në një minutë pasi më tej nuk mund t’a punojnë më flokun e ngrirë në temperatura që shkojnë deri në -22 gradë celcius. Kjo garë zhvillohet çdo shkurt që prej vitit 2011 dhe çmimi i parë vjen me një shumë prej 700 dollarësh./abcnews.al

 

 

 

 

 

 

 

 

 

 

 

 

 

 

 

 

 

 

 

 

featured_5_3.jpg
So Nila12:00 | 05/02/2020

Madonna ka një qëllim për momentin: Të marrë Meghan dhe Harry-n të jetojnë në shtëpinë e saj. Ylli i pop-it e konfirmoi vetë këtë përmes një videoje në llogarinë e saj të Instagram-it, kur thoshte se me shumë qejf do t’ja linte me qira Meghan-it dhe Harry-it apartamentin e saj në New York.

 

Siç e dini, çifti hoqi dorë nga detyrat mbretërore për të jetuar të pavarur mes Kanadasë dhe Anglisë, por Madonna i sugjeron një ide edhe më interesante. Zhvendosjen në zemër të New York-ut dhe specifikisht, shtëpinë e saj.

“Harry, mos shko në Kanada. Do mërzitesh aty. Do të të lë me qira apartamentin tim në  Central Park West. Ka dy shtretër, ka dhe pamjen më të bukur nga Manhattan. Ka dhe një super ballkon! Pallati mbretëror s’ka asgjë më shumë se Central Park!”

Në përpjekje për t’i mbushur mendjen Meghan-it dhe Harry-it, këngëtarja bëri ca gafa, pas të cilave e ka të sigurt refuzimin e dyshes. Quajti Kanadanë vend të mërzitshëm dhe dukesha sigurisht s’ndan të njëjtin mendim me të.

Me siguri, postimi i Madonna-s ka qenë thjesht një shaka, por imagjinoni për një çast Madonna-n, princ Harry-n dhe Meghan-in duke bashkjetuar brenda një shtëpie. Ndërkohë që Meghan përpiqet të vërë në gjumë bebushin Archie, Madonna këndon “Like a Prayer”./abcnews.al

 

Capture-123.jpg
So Nila08:12 | 24/01/2020

Harry dhe Meghan menduan se do të kenë më në fund lirinë dhe paqen e shumëdëshiruar në Kanada, por a do të jetë vërtet kështu? Sepse shenjat që tregojnë të kundërtën, kanë filluar.

Së pari, paparacët nuk u ndahen as atje, dhe së dyti, kanadezët treguan përmes një peticioni online se nuk duan të paguajnë për Dukën dhe Dukeshën e Sussex. Kur vjen fjala tek shpenzimet e sigurisë, Harry dhe Meghan duhet t`i paguajnë vetë.

Dhe ato nuk shkojnë pak, por diku tek 800 mijë euro në vit. “Kanadezët e mirëpresin Dukën dhe Dukeshën, por nuk janë të detyruar t`i mbështesin financiarisht”, deklaroi Aaron Wudrick, presidenti i Federatës Kanadeze të Tatimpaguesve, e cila ishte dhe nismëtarja e peticionit që mblodhi brenda pak orësh me mijëra firma./abcnews.al

image-2.jpg
So Nila12:06 | 21/01/2020

Nëse keni lindur në Shtetet e Bashkuara , të pasurit prindër të pasur do të thotë të jesh një hap larg shanseve për të pasur sukses.

Individët e lindur në familje më të varfra kanë një shans më të mirë të zotërojnë një shtëpi, të marrin një arsim të mirë dhe të jetojnë një jetë më të mirë se prindërit e tyre nëse ata kanë lindur në Kanada sipas një studimi.

Me fjalë të tjera, Kanadezët janë më afër të ëndrrës amerikane sesa vetë amerikanët.

Ky rezultat erdhi nga Indeksi Global i Lëvizjes Sociale të Forumit Ekonomik Botëror, i cili renditi 82 vende duke u bazuar  në aftësinë e qytetarëve për të përmbushur synimet e tyre pa marrë parasysh prejardhjen e tyre socio-ekonomike.

Raporti u botua të hënën për të përkuar me fillimin e Forumit Ekonomik Botëror në Davos, Zvicër, ku pabarazia e të ardhurave globale është një temë kaq e përhapur, raporton abcnews.al

Indeksi rendit ekonomitë në pesë dimensione: shëndetësia, arsimi, hyrja në teknologji, puna (përsa i përket mundësive, kushteve dhe pagave ) dhe institucioneve.

Gjermania është vendi më me stabilitet social në mesin e G7, duke u renditur në vendin e 11-të, i ndjekur nga Franca (e 12-ta), Kanada (e 14-ta), Japonia (15-ta), Mbretëria e Bashkuar (21-a), Shtetet e Bashkuara (27-të) dhe Italia (34-ta) .

Vendet nordike, përfshirë Danimarkën, Finlandën, Norvegjinë, Suedinë dhe Islandën, kanë rezultatet më të mira persa i përket mundësive sociale.

Ndër ekonomitë e mëdha me zhvillim në botë, Rusia renditet në vendin e 39-të, e ndjekur nga Kina (45-ta), Brazili (60-ti), India (76-ta) dhe Afrika e Jugut (77-ta).

“Ajo çfarë u vu re në studim është se shumica e ekonomive nuk po arrijnë të sigurojnë kushtet në të cilat qytetarët e tyre mund të lulëzojnë, tha Forumi Ekonomik Botëror në një deklaratë të hënën.

“Si rezultat, mundësitë e një individi në jetë i përkasin statusit të tyre socio-ekonomik gjatë lindjes, duke inkuadruar pabarazitë historike,” thekson studimi.

Prindër të pasur

Në Shtetet e Bashkuara, duhen pesë gjenerata që një familje me të ardhura të ulëta të arrijë të ardhurat mesatare, por ai numër mund të ndryshojë. Kjo statistikë është më e mirë sesa në Gjermani dhe Francë, por më e keqe përsa i përket Kanadasë, Australisë dhe Danimarkës, të cilat kanë rezultatin më të mirë të stabilitetit socio-ekonomik.

 

Në Danimarkë, një individ i varfër por i rritur merr po aq para sa merr një fëmijë i sapolindur por i pasur.

Gjermania dhe Franca renditen shumë më mirë se Shtetet e Bashkuara për mbrojtjen sociale dhe kanë paga më të drejta.

Raporti zbulon se pabarazitë e pagave janë rritur që nga vitet 1970.

Duke mbledhur të dhënat  nga IPSOS në emër të LinkedIn, raporti vëren se amerikanët që u rritën në një familje me të ardhura të larta janë tre herë më shumë të predispozuar të kenë lidhje të forta  sociale dhe profesionale sesa ata që u rritën në një familje me të ardhura të ulëta, raporton abcnews.al

“Kjo do të thotë që ata individë përjetojnë një avantazh të dyfishtë si në kapitalin shoqëror ashtu edhe atë financiar”, thuhet në raport.

Pabarazia

Qeveritë duhet të zbatojnë politika për të adresuar përqendrimin e pasurisë, siç janë taksat mbi të ardhurat personale dhe ribalancimi i burimeve të taksave.

Studimi rekomandon gjithashtu përmirësimin e cilësisë së arsimit dhe promovimin e zhvillimit të aftësive gjatë gjithë jetës së punës të një individi.  Bizneset duhet të punësojnë bazuar në merita, duhet të paguajnë paga të drejta dhe të investojnë në përmirësimin e kushteve të punonjësve të tyre, thuhet në raport.

Pabarazia dobëson strukturën shoqërore të një vendi dhe gërryen besimin në institucione, sipas Klaus Scëhab, themeluesi dhe kryetari ekzekutiv i Forumit Ekonomik Botëror.

“Përgjigjet nga biznesi dhe qeveria duhet të përfshijnë një përpjekje për të krijuar shtigje të reja drejt lëvizjes socio-ekonomike, duke siguruar se çdokush ka mundësi të barabarta për sukses,” tha Schëab në një deklaratë. /Përshtati në shqip:abcnews.al

 

 

Capture1-5.jpg
So Nila10:45 | 21/01/2020

Fjalimi që Harry mbajti dy ditë më parë për të folur një herë e mirë vetë personalisht rreth largimit të tij dhe Meghan nga mbretëria, duket se do të jetë ‘vula’ që i duhej çiftit për të nisur një jetë të re në Kanada si njerëz të thjeshtë.

Ish- Duka dhe Dukesha e Sussex janë shpërngulur në Vancouver ku duket se të paktën Meghan është përshtatur më së miri. Paparacët kanë fotografuar ish-aktoren teksa ka dalë shëtitje me të birin Archie dhe dy qentë e saj.

Meghan duket e relaksuar dhe e qeshur teksa mban të birin ndërsa me njërën dorë tërheq dy qentë.

 

Pas shëtitjes me siguri Meghan ka qenë tepër e emocionuar që në mbërmje do të kthehej nga Britania bashkëshorti i saj Harry, kësaj here vetëm nën statusin e partnerit të saj, duke mos patur asnjë titull mbretëror me vete.

Harry mbërriti në aeroportin e Vancouver mbrëmjen e së hënës, për t’u bashkuar familjes së tij.

 

Atletico.png
Igli Nikolli18:20 | 17/01/2020

Atletico Madrid po kopjon Manchester City. “Cityzens” ishin të parët që tentuan zhvillimin e markës së tyre dhe zotërojnë klube të tjera nëpër botë, duke filluar nga India, Australia dhe MLS, kampionati i SHBA.

Të njëjtën gjë po tenton edhe klubi “colchoneros”. Sipas raportimeve të Palco 23, “Atletico Madrid International Holding” ka siguruar shërbimet e klubit kanadez të Ottawa Fury FC. Projekti do të prezantohet në javët e ardhshme, teksa Ottawa ka një stadium prej 24 mijë vendesh.

Klubi nga Madridi zotëron edhe 61% të CA San Luis, klubit meksikan që këtë sezon u rikthye në elitë, teska kanadezët do të jenë klubi i tretë ku “Atletico Madrid International Holding” investon. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono