Manchester United në këtë merkato dimri ka mundur të afrojë vetëm Amad Diallo nga Atalanta. Djajtë e Kuq në këtë sezon po bëjnë shumë mirë dhe janë në valle për titullin kampion, teksa pjesa më e madhe e lojtarëve kanë arritur formën e tyre më të mirë.
Në këto kushte United nuk ka shumë nevojë për ndërhyrje në merkato dhe këtë e pranon edhe vetë Ole Gunnar Solskjaer. Trajneri i Djajve tregon se merkato e United është e mbyllur dhe do të çuditej nëse klubi do transferonte ndonjë lojtar në ditët e mbetura të merkatos.
”Do të surprizohesha nëse arrinim ndonjë marrëveshje në ditët e mbetura të merkatos. Skuadra është e fortë, plot cilësi dhe ndonjëherë më duhet të lë lojtarë të skuadrës së parë jashtë. Nuk besoj të ndodhë çudia, nuk do marrim asnjë lojtar tjetër në këtë merkato”, u shpreh Solskjaer. /abcnews.al
