Prezantuesja Sara Gjordeni në programin “Abc e Pasdites” me moderatorin Ermal Peçi foli që shumë shpejt do të jetë sërish në ekran. Ajo tha se është pjesë e programit Binjakët, ndërkohë që paralel po punon në një tjetër projekt që do zhvillohet në Top Channel.
“Që javën tjetër jam në ekran. Do jem me Donald dhe Romeo Veshaj, që janë Binjakët. Do jem në emisionin e tyre. Gjithashtu jam edhe në një projekt paralel që do zhvillohet në Top Channel”.
Suprizat nuk mbarojnë këtu në “Abc e Pasdites”. Astrologia Esmeralda Petrela është emocionuar nga video-mesazhi i motrës së saj Lea.
Ermali krijoi një situatë “tensioni” për të pasi e lidhi videomesazhin direkt me punën së saj, duke i cituar një konflikt me një zotëri.
Esmeralda tha se kur ka parë videot surprizë nga të afërmit që jepeshin në telelvizion nuk e ka besuar që mund të emocionoheshin vërtet, ndërkohë që sot vërtetoi se është vërtet një emocion shumë i veçantë.
“Se prisja që do emocionohesha. Kur kam parë momente të tilla në televizion kam thënë “pse emocionohen njerëzit, kur janë në një shtëpi?”, ndërkohë që sot me këtë videomesazh po mendoja wow sa e dua Lean”.
/abcnews.al
