Fiton Barcelona në La Liga dhe humbet PSG në Francë. Ekipi katalanas zhvilloi një ndeshje jo të mirë, por iu fal golit të Leo Messit në minutën e 76-të për të thyer Levanten në “Camp Nou”.
“Pleshti” mori një asist nga De Jong dhe dërgoi topin në rrjetë falë një goditje të fortë dhe të saktë, duke i dhuruar Barcelonës suksesin 1-0, suksesi i tretë radhazi shtëpiak në La Liga.
Fitore e rëndësishme në aspektin psikologjik pas humbjes së tmerrshme 0-3 ndaj Juventusit në mesjavë në Champions League, teksa kreu është akoma larg, 9 pikë. PSG-Lyon ishte ndeshja më e fortë e javës së 14-t në Ligue 1.
Sfida e luajtur në “Parc des Princes”, përfundoi me triumfin 0-1 të miqve. Gafë fatale e mbrojtjes së kampionëve në minutën e 35 dhe finalizim i Tino Kadewere, 24-vjeçarit nga Zimbabwe.
Sikur të mos mjaftonte humbja, Thomas Tuchel humbi edhe shërbimet e Neymar në fund të përballjes. Braziliani pësoi një dëmtim të rëndë në minutën e tetë shtesë.
The incident that caused Neymar’s injury #PSG pic.twitter.com/CTNyzblLBY
— ??? (@SGoldy_______) December 13, 2020
E kuqe direkt për Thiago Mendes dhe sulmuesi i kampionëve u largua nga fusha me barelë. Suksesi i sotëm e ka ngjitur Lyon në vend të parë me 29 pikë, po aq sa numëron edhe Lille, ndërsa PSG renditet në vend të tretë me jë pikë më pak. /abcnews.al
