Eshtë hedhur sot shorti i ndeshjeve të Superligës. Shorti i hedhur në federatën e futbollit përcaktoi ndeshjen që gjithnjë tërheq interesin maksimal të tifozëve, atë mes Tiranës e Partizanit. Ndeshja pritet të luhet në javën e fundit të Shtatorit.
Sezoni i ri gjithsesi do të nisë me një superndeshje. Skënderbeu dhe Partizani do të përballen për të rikthyer të njëjtat emocione, edhe pse jo me të njëjtët futbollistë në përbërje.
Në javën e dytë një tjetër përballje e fortë mes Flamurtarit dhe Kukësit. Superliga do të nisë 19 Gusht. Deri atëherë skuadrat do të kenë qartësuar formacionet. 4 prej skuadrave shqiptare janë të përfshira në ndeshjet kualifikuese të Champions dhe Europa League, në përpjekje për të shkuar sa më thellë në këto kompeticione./abcnews.al
