Dëme nga tërmeti janë regjistruar në Durrës dhe Elbasan. Sipas të dhënave nga Emergjencat Civile, ka patur plasaritje të mureve në disa pallate të Elbasanit dhe dëme në disa banesa të Durrësit.
Shtëpia e Altin Kurtit në fshatin Manze e vjetër u dëmtua më shumë nga tërmeti i së mërkurës. E ndërtuar prej vitesh buzë një kodre në këtë fshat, banesa ka pësuar plasaritje të shumta në dysheme dhe në mure.
Çatia në disa pjesë të saj është shembur. Familjarët tregojnë se në momentin e rënies së tërmetit, në banesë ndodheshin dy fëmijët.
“Shumë keq, tu u dridh shumë keq, fëmijët i pata brenda, ata u futën poshtë krevatit”.
Aktualisht familja Kurti nuk ka një strehë ku të qëndrojë, pasi banesa e tyre është mjaft e rrezikshme për të banuar. Në Durrës ka patur edhe dëmtime të tjera banesash, shumica prej tyre të braksitura.
Por nuk është raportuar për të lënduar. Pallati ku banon kjo e moshuar nga Elbasani u lëkund nga tërmeti. “Ka 70 vjet ky pallat, pallati poshtë ka gërmu me themele”.
Nga lëkundjet e tokës janë konstatuar plasaritje në disa pallate dhe banesa në qytetin e Elbasanit dhe në Peqin. /abcnews.al
