Franca po përgatitet për ndeshjen kundër Portugalisë në Nations League. Kampionët e botës do të përballen në “Estadio da Luz” të Lisbonës përballë kampionëve të Europës nesër në mbrëmje (20:45).
Trajneri i “Gjelave”, Didier Deschamps ka komentuar zërat që e lidhin Cristiano Ronaldon me një transferim te PSG, skuadra kampione e Francës, duke krijuar shpresë te tifozët e ekipit të Thomas Tuchel.
“Nuk e di nëse Ronaldo ka dëshirë të shkojë te PSG, por ai është një futbollist i shkëlqyer, i jashtëzakonshëm. Nuk mund të parashikoj se çfarë do të ndodhë, Juventusi është një klub i madh dhe ata janë të lumtur që kanë në përbërje një lojtar të tillë.
Gjithsesi, në futboll gjithçka mund të ndodhë, çdo gjë është e mundur. U bënë shumë vite që Cristiano luan në nivele të larta dhe klubet ku luan ai janë gjithmonë në vëzhgim të veçantë“, thekson trajneri i kombëtares franceze. /abcnews.al
