Një aksident i trefishtë ka ndodhur pranë shtëpisë së të moshuarve në Fier këtë pasdite.
Siç raporton për abcnews.al gazetarja Valbona Davidhi, fillimisht janë përplasur me njëra-tjetrën dy prej makinave, e me pas njëra prej tyre ka goditur një tjetër mjet.
Nga përplasja drejtuesit e mjeteve janë dërguar për kontroll në spitalin e Fierit.
Për shkak se njëra prej makinave ka qenë me impiant gazi, pranë vendit te ngjarjes kanë shkuar edhe punonjës të zjarrfikëses.
Nga ana e policisë kane nisur hetimet lidhur me aksidentin në fjalë.
