Shqipëria shumë shpejt do ndryshojë protokollin shëndetësor për ritestimet për të prekurit me koronavirus. Shefja e epidemiologjisë Eugena Tomini thotë se ritestimet apo tamponët e negtativizimit për Covid nuk do të kryhen.
“Nëse mbas 14 ditëve ose nga periudha e 12-14 ditë ne ritestojmë dhe rezultojnë negativ sërish kalojmë në punë. Ne jemi duke vlerësuar mbi heqjen e ritestimeve masive për rastet që janë konfirmuar pozitiv, por akoma jemi në të njëjtin zbatim protokolli.”
Por një person, i cili rezulton pozitiv me Covid sipas protokollit shëndetësor duhet të qëndrojë në karantinë për dy javë edhe në qoftë se ai negativizohet më shpejt.
“Vazhdojmë me të njëjtën strategji me të njëjtin protokoll mbi çdo rast të dyshuar, të konfirmuar duhet të respektoj karantinimin 14 ditë” tha ajo për Tv Klan.
Ndërsa në Kosovë dhe në shumë vende të tjera europiane, nëse një i prekur me Covid nuk ka shenja klinike për tre ditë, ai cilësohet i shëruar nga Covid./ db/Abcnews.al
