Dua Lipa ka arritur sërish të përfshihet në listat e MTV EMA Awards. Artistja shqiptare është nominuar për disa nga kategoritë kryesore si “Best Artist”, “Best Song” me këngën “Don’t Start Now”, “Best Pop” dhe “Best UK & Ireland Act”.
Spektakli që do të zgjasë dy orë do të transmetohet në MTV më 8 Nëntor, ndërsa fansat e artistëve do të mund të japin votat e tyre deri më 2 Nëntor. Lady Gaga është ajo që kryeson me 7 nominime, ndjekur më pas nga BTS dhe Justin Bieber.
Kujtojmë që Dua publikoi pak javë më parë versionin remix të albumit “Future Nostalgia”, ku mblodhi bashkë emra të njohur ndërkombëtarë të muzikës. Ndërkohë, gjithashtu ajo pritet të sjellë një bashkëpunim me Miley Curus, që do të jetë pjesë e albumit të kësaj të fundit. xh.d/abcnews.al
