dua lipa

dua-lipa-grammys-2020-b-billboard-1548-1280x847.jpg
So Nila11:00 | 10/03/2020

Këngëtarja shqiptare me famë ndërkombëtare ka arritur një tjetër sukses të jashtëzakonshëm.

Pak javë më parë 23 vjeçarja publikoj këngën e re ‘Don’t Start Now’ e cila tashmë është renditur në pozitë e tretë në ‘Billboard Hot 100’.

Ky lajm e ka lumturuar pafund artisten e cila e ka ndarë këtë moment me adhuruesit në Instagram.

‘O Zot po e publikoj këtë tani sepse kjo mund të mos ndodhë më kurrë, në pozitën e 3 në Hot 100’, ka shkruar Dua.

Në prill publikohet albumi i saj i dyte ‘Future Nostalgia’./abcnews.al

 

130733.jpg
So Nila15:49 | 06/03/2020

Mbrëmjen e djeshme është mbajtur ceremonia e ndarjes së çmimeve “Global Awards”, ku ishte e pranishme edhe këngëtarja shqiptare Dua Lipa.

Vlerësimi për çmimet “Global Awards” është bërë nga suksesi i këngëve në radio, duke i dhënë meritë këngëve të dëgjuara më shumë.

Dua ka rrëmbyer çmimin “Artistja më e mirë britanike”, një çmim mëse i merituar nga këngëtarja.

Në një postim në llogarinë e saj në Instagram, ajo ka falenderuar të gjithë bashkëpunëtorët dhe fansat për mbështetjen e madhe që i kanë dhënë gjithë kësaj kohe.

“Faleminderit të gjithë fansave të mi, dëgjuesëve dhe kujtdo në “Global Awards” që votoi dhe mbështeti muzikën time. Faleminderit për çmimin “Artistja më e mirë britanike”. Një mbrëmje argëtuese me të dashurit e mi dhe një natë speciale.”- shkruan Dua .

Një muaj më parë, dua publikoi këngën e saj të re të titulluar “Physical”, e cila është pjesë e albumit të saj të ri.

Kënga është pritur mjaft mirë nga publiku dhe deri tani numëron 41 milion klikime në Youtube./abcnews.al

 

 

 

 

GettyImages-1202158530-740x535-1.jpg
So Nila08:50 | 29/02/2020

Gjithnjë e më tepër, Dua Lipa po kthehet në një ikonë mode, e cila herë pas herë, në daljet e saj publike ose videoklipe, rikthehet te trendet e viteve ’90 shkruan Vogue.

Prej kohësh, këngëtarja është vlerësuar nga Vogue për sa i përket stilit të saj dhe për dikë në fillim të karrierës, duhet konsideruar si arritje. Së fundmi, Vogue zgjodhi Dua për videon në lidhje me koleksionet e Vjeshtës 2020 nga Java e Modës në Nju Jork .

Në videon të sjellë në formën e një sitcom-i të viteve ‘90, me regji të Bardia Zeinali dhe nën kujdesin e stilistes Jorden Bickham, Dua shfaqet si yll i muzikës pop, që jeton me një shërbëtor gazmor dhe dy qenushët e saj, të cilët “flasin” shqip. “Më në fund, ajo veshi Marc Jacobs,” thotë një prej tyre.

Ajo provon disa nga veshjet më të përfolura të Marc Jacobs, Tom Ford apo Eckhaus Latta, por ç’ështja më e madhe është: Çfarë duhet të veshë në darkë?/abcnews.al

EKe3nrGXsAU6VA5.jpg
So Nila15:15 | 17/02/2020

Dua Lipa ka uruar për Ditën e Pavarësisë së Kosovës.

Këngëtarja shumë e suksesshme në botë, me prejardhje nga Kosova, ka postuar dy fotografi ku janë të kombinuar flamuri kombëtar, kuq e zi dhe flamuri kosovar.

Dua e shoqëron postimin me fjalët: “12 Vjet Pavarësi” ndërsa shkruan edhe #njikombnjiflamur duke treguar se ajo Kosovën e Shqipërinë i sheh si një vend./abcnews.al

 

 

640-0-5e3de4eebcaa4.jpg
So Nila08:40 | 08/02/2020

Në natën e katërt të festivalit të madh të muzikës në Itali, “Sanremo” është ngjitur në skenë një tjetër artiste shqiptare.

Bëhet fjalë për, Dua Lipën, këngëtaren që na bën krenarë çdo herë edhe më shumë.

Këngëtarja me origjinë shqiptare ishte e ftuara speciale e mbrëmjes dhe i vuri flakën skenës. Ajo këndoi këngën “Don’t start now” e shoqëruar nga një trup baleti.

Dua kishte zgjedhur një veshje ekstravagante prej lëkure të zezë dhe model të thjeshtë flokësh.

 

Performanca e saj u duartrokit nga publiku, pasi Dua përcolli gjithë energjinë në skenë./abcnews.al

 

 

alketaaaaaa.jpg
ger ta21:03 | 07/02/2020

Pas Alketa Vejsiut, në skenën e Sanremo do të ngjitet një tjetër shqiptare e njohur. Këngëtarja e famshme shqiptare, Dua Lipa do të jetë sonte në skenën e Ariston.

Mediat italiane shkruajnë se Dua do të jetë “super e ftuar” mbrëmjen e sotme. Dua do të këndojë ekskluzivisht si mysafire speciale e mbrëmjes së katërt të Festivalit të 70-të të Sanremo 2020.

Ylli britanik me origjinë shqiptare, me dy çmime Grammy do të dhurojë emocione për publikun italian.

Ndërkohë pjesëmarrja e Vjesiut mbrëmjen e djeshme vijon të jetë ende në qendër të vëmendjes. /abcnews.al

dua-lipa.jpg
So Nila12:45 | 01/02/2020

Mbretëria e Bashkuar u largua zyrtarisht nga BE në 23:00 të kohës lokale në Britani të premten në mbrëmje, pas 47 vjetësh brenda bllokut evropian. Kryeministri Boris Johnson dha një deklaratë një orë para se të largohej nga Mbretëria e Bashkuar, duke thënë se Brexit ofroi një mundësi për të “marrë kontrollin”.

Reagime të shumta lidhur me situatën në fjalë ka pasur edhe nga fytyrat publike, ndër ta edhe këngëtarë të njohur nga Londra të cilët nuk janë pajtuar me këtë fakt, duke cekur si një nga arsyet faktin që Brexit-i ndikon drejtpërdrejt në profesionin e tyre, duke dëmtuar ekonominë e tyre.

E revoltuar me situatën duket të jetë edhe shqiptarja me famë botërore, Dua Lipa, e cila prej muajsh është zhvendosur për të jetuar në New York, me të dashurin e saj, Anwar Hadid.

Mirëpo së fundmi, ajo është kthyer sërish në Londër te familja e saj – vend ky në të cilin ajo u lind e u rrit.

 

Dua edhe në zgjedhjet e fundit në Britaninë e Madhe kishte dalë haptaz kundër kryeministrit aktual, Boris Johnson, duke thënë se mbështetja ndaj Brexitit është në dëm të Mbretërisë së Bashkuar.

Dhe duke qenë se ata u larguan zyrtarisht nga BE mbrëmjen e së premtes, Lipa vendosi që të ndajë me miliona ndjekësit e saj në rrjetin social Instagram një fjalim të publikuar nga kryetari i Komunës së Londrës, Sadiq Khan.

Në këtë letër ai kishte cekur se pavarësisht daljes së Mbretërisë së Bashkuar nga BE, Londra do të vazhdojë të mirëpresë njerëz nga e gjithë bota pa ndonjë dallim – dhe me ato që shkruan, Dua duket se pajtohet plotësisht.

 

“Mbretëria e Bashkuar ndoshta po largohet nga BE sot, por Londra mbetet një qytet global, qytet evropian. Ne vazhdojmë të jemi një fener për ide përparimtare, për vlera liberale dhe për vendosmëri dhe diversitet. Dhe ne do të vazhdojmë të mirëpresim njerëz nga e gjithë bota, pavarësisht nga ngjyra e lëkurës së tyre, ngjyra e pasaportës së tyre ose ngjyra e flamurit të tyre kombëtar

Në një kohë pasigurie të vazhdueshme, unë dua të dërgoj një mesazh të veçantë për më shumë se një milion evropianë që kanë vendosur të bëjnë qytetin tonë shtëpinë e tyre. Ju jeni londinezë. Ju jo vetëm që e pasuroni qytetin tonë në mënyrë ekonomike, por edhe shoqërore dhe kulturore. Nga ushqimi dhe moda jonë, deri tek risitë tona dhe shërbimet tona publike, ju jeni thelbësor për suksesin e qytetit tonë, të bërë nga arsyet kryesore pse Londra mbetet qyteti më i madh në botë”, shkruhet në letrën e kryebashkiakut të Londrës, që ai e shpërndau me ndjekësit e tij në rrjetet sociale pak pasi Britania e Madhe zyrtarizoi vendimin për Brexitin./abcnews.al

 

dua-lipaa-bebe-rexha.jpg
So Nila12:30 | 23/01/2020

Dy këngëtaret e njohura shqiptare me famë botërore, Dua Lipa dhe Bebe Rexha, kanë bërë të ditur se do të jenë pjesë e sezonit të ri të spektaklit  të njohur ‘The Voice’.

Të dyja janë ftuar nga organizatorët e këtij eventi të rëndësishëm në rolin e këshilltareve  të jurisë për të vlerësuar ata që do të garojnë në këtë spektakël talentesh.

Këngëtaret kanë shprehur entuziazmin e tyre dhe mezi po presin që të nisë shfaqja.

“The Voice” nis transmetimin më 15 shkurt dhe juria kryesore është e përbërë nga Kelly Clarkson, Blake Shelton dhe John Legend.

Dua Lipa do të jetë në krah të këngëtares Kelly Clarkson, ndërsa Bebe të Blake Shelton./abcnews.al

 

DUA_LIPA_DONT_START_2000-1280x813.jpg
So Nila09:20 | 21/01/2020

Është bërë e ditur lista e plotë e të nominuarve për çmimet “NME”, dhe e nominuar në dy kategori të rëndësishme të mbrëmjes është edhe këngëtarja shqiptaro-britanike, Dua Lipa.

Ylli i muzikës pop, ka arritur të fitojë nominim në kategoritë, “Kënga më e mirë në botë” dhe “Kënga më e mirë britanike”, për hitin e saj të fundit “Don’t Start Now”.

Lajmin për këtë sukses, Lipa e ka ndarë edhe me 38 milionë ndjekësit e saj në Instagram.

Në mesin e yjeve të tjerë të nominuar për këto shpërblime janë: Slowthai, The 1975, Yungblud, Billie Eilish, AJ Tracey, FKA twigs, Lizzo, Cardi B, Charli XCX, Foals, Stormzy dhe Lana Del Rey. Çmimet “NME” i nderojnë më të mirët në muzikë, film, televizion dhe kulturë, ndërsa ceremonia e ndarjes së shpërblimeve do të mbahet më 12 shkurt të këtij viti, në arenën “O2 Academy Brixton” në Londër./abcnews.al

dua-lipa-600x360-1.jpg
So Nila15:15 | 16/01/2020

Dua Lipa bëhet shqiptarja e parë që arrin të ketë 2 miliardë klikime në një video në Youtube.

Super hiti ‘New Rules’ nga këngëtarja me prejardhje nga Kosova, Dua Lipa, ka arritur që të hyjë në listën e ngushtë të këngëve që kanë mbi 2 miliardë klikime në platformën muzikore Youtube.

Videoklipi i këngës së famshme është shikuar e komentuar shumë dhe kënga vazhdon të dëgjohet akoma edhe gati 3 vite pas lansimit.

Videoja ka 10 milionë ‘pëlqime’, 315 mijë komente deri tani, numër ky që po vazhdon të rritet.

“New Rules” është publikuar si këngë në albumin e parë të këngëtares, “Dua Lipa”, këngë kjo e cila i ka sjellë suksesin e madh albumit dhe artistes, duke e bërë të njohur në botë më shumë.

Tashmë Dua ka gati edhe albumin e dytë në karrierë, “Future Nostalgia”, i cili do të publikohet në muajt e parë të këtij viti./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono