Presidenti i Republikës, Ilir Meta këtë të shtunë ka zhvilluar një takim me Nën Sekretarin e Shtetit të Shteteve të Bashkuara të Amerikës për Zhvillimin Ekonomik, Energjinë dhe Mjedisin, Keith Krach.
Kreu i shtetit në këtë takim ka vlerësuar kontributin thelbësor të Shteteve të Bashkuara për të gjitha zhvillimet demokratike dhe ekonomike në vendin tonë, si dhe konsolidimin e paqes e sigurisë në rajon,
Ndër të tjera Meta ka theksuar rëndësinë që ka vizita e tij për të konsoliduar e forcuar marrëdhëniet tona ekonomike, të cilat duhet të ngrihen në nivelin e shkëlqyer të marrëdhënieve politike.
“Ne mirëpresim investimet e kompanive Amerikane në Shqipëri”, ka thënë Meta.
Gjithashtu presidenti ka vlerësuar lart vijimin e angazhimit tradicional të SHBA-së në drejtim të forcimit dhe konsolidimit të shtetit ligjor, si një garanci për investime afatgjata strategjike të SHBA-së në vendin tonë dhe në rajon./abcnews.al
