Lajme jo të mira për Genoa. Klubi kuqeblu ka konfirmuar pak çaste më parë se të 14 personat e prekur me Covid-19 kanë rezultuar sërish pozitiv në testet e kryera.
Direkt mbas ndeshjes me Napolin, lojtarët dhe stafi teknik kryen tamponët sipas protokollit mjekësor dhe fatkeqësisht rezultuan 11 lojtarë dhe 3 anëtarë të stafit pozitiv me koronavirus.
Ditën e sotme të 14 të infektuarit arritën në qendrën stërvitore për t’iu nënshtruar një testi të dytë, por ata u kthyen sërish në karantinë. Kjo për shkak se rezultuan sërish pozitiv.
Tashmë klubi i Genoas pret vendimin e Ligës për ndeshjen e kësaj fundjave me Torinon, ku ata shpresojnë që kjo sfidë të shtyhet për shkak të mungesave të shumta në ekip. /abcnews.al
