Loading ...
Tjetër gol dhe një tjetër hap drejt rekordit historik të 1000 golave në karrierë. Cristiano Ronaldo nuk ndalet, duke gjetur sërish rrugën e rrjetës në Ligën Profesioniste Saudite, ndërsa me realizimin e tij ndihmoi Al Nassr të fitojë 2-1 ndeshjen kundër Abha.
Sulmuesi portugez zhbllokoi rezultatin në minutën e 22-të, me një kërcim që sfidon moshën e tij dhe ligjet e fizikës, ndërsa topi topi preku shtyllën përpara se të kalonte vijën fatale.
Ky gol erdhi pak pasi CR7 u la jashtë listës me 30 kandidatë për “Topin e Artë”. “Puna e palodhur shpërblehet”, ishte mesazhi i 41 vjeçarit shpërndarë në rrjetet sociale, si një përgjigje ndaj “France Football”.
Ky realizim e çoi në 979 numrin e përgjithshëm të golave në karrierë, duke e lënë atë vetëm 21 gola larg arritjes së shifrës së jashtëzakonshme prej 1000 golash. Ronaldo do të bëhej lojtari i parë që arrin shifrën e 1.000 golave të verifikuar plotësisht dhe të dokumentuar me video, nëse e arrin këtë objektiv.
979 golat e sulmuesit janë shënuar gjatë karrierës së tij ndërkombëtare dhe periudhave me Sporting Lisbon, Manchester United, Real Madrid, Juventus, Al Nassr dhe kombëtaren portugeze.
Shifra më e lartë e golave të tij është regjistruar te Real Madridi, ku shënoi 450 gola. Ronaldo ka shënuar gjithashtu 146 gola për Portugalinë, 145 për Manchester United, 101 për Juventusin, 132 për Al Nassr dhe pesë për Sporting Lisbonë./abcnews.al
