Merkato nuk mund të bëjnë, sezoni i ri në Superiore nuk dihet akoma se kur do të nisë, kështu që Partizani ka vendosur të nisë një tjetër fazë përgatitore.
“Demat” kanë lënë Tiranën dhe janë nisur drejt Ohrit, qytetit shqiptar të Maqedonisë së Veriut, për të vijuar seancat stërvitore larg të nxehtit të kryeqytetit.
“Skuadra i është drejtuar sot në mëngjes Ohrit. Në vendin fqinj të kuqtë do të vijojnë për disa ditë përgatitjet, kjo falë kushteve dhe temperaturave optimale që ofron qyteti liqenor“, lexohet në postimin e Partizanit. /abcnews.al
