Trajneri i Chelsea, Frank Lampard, shprehu gëzimin e tij për ardhjen e Thiago Silvës te Blutë e Londrës, duke e quajtur mbrojtësin brazilian si një lider dhe një lojtar që do të shtojë shumë kualitetin në prapavijë.
“E njoh shumë mirë Thiago Silvën, ashtu si gjithë të tjerët që kanë parë futboll. Thiago do të sjellë shumë eksperiencë, luan akoma në nivele maksimale, siç është parë në finalen e Champions League dhe në ndeshje që ka luajtur gjatë gjithë sezonit.
Një lojtar si ai ishte ajo që kërkonim. Ai sjell eksperiencë, është një lider. Do të jetë shumë i rëndësishëm për ne. Kemi një skuadër të re dhe sezonin e kaluar kemi parë se ka patur disa ndeshje, ku na duhej diçka më shumë në aspektin e lidershipit.
Në këtë aspekt, Thiago Silva sjell të gjitha këto. Mund të komandojë fushën dhe mund të ndikojë te të tjerët. Mendoj se mund të na japë atë për të cilën kishim nevojë, madje, jam i sigurt se do ta bëjë. Jam me të vërtetë i gëzuar që ka ardhur te Chelsea”, u shpreh Lampard./abcnews.al
