Vaksina për Covid-19 do të jetë një “mjet jetësor”, por pandemia nuk do të marrë fund e vetme, kështu është shprehur kreu i OBSH në daljen e radhës nga Gjeneva.
Tedros Adhanom Ghebreyesus, drejtori i përgjithshëm i Organizatës Botërore të Shëndetit deklaroi të premten se “asnjë vend nuk mund të “dalë jashtë pandemisë” pa një vaksinë.
Media briefing on COVID-19
Posted by World Health Organization (WHO) on Friday, August 21, 2020
“Asnjë vend nuk mund ta përdorë këtë deri sa të kemi një vaksinë,” tha ai.
Tedros tha se shpreson që një vaksinë për Covid-19 të zhvillohet sa më shpejt që të jetë e mundur, duke shtuar se do të jetë një “mjet jetësor”, por nuk ngurroi të shtonte se nuk ka garanci se do të arrihet deri në këtë pikë.
“Dhe edhe nëse kemi një vaksinë, ajo nuk do t’i japë fund e vetme pandemisë. Të gjithë duhet të mësojmë ta kontrollojmë dhe menaxhojmë këtë virus duke përdorur mjetet që kemi tani,” shtoi ai.
Kreu i OBSH u shpreh se rutinat e përditshme duhet të rregullohen në mënyrë që të gjithë të jenë të sigurt. Kjo përfshin mbajtjen e maskave dhe praktikimin e higjienës së mirë të duarve.
Ai informoi po ashtu se disa vende janë duke regjistruar rritje të rasteve.
“Këto vende janë një përrallë paralajmëruese për ato që tani po shohin një prirje rënëse në raste. Progresi nuk do të thotë fitore, “tha ai.
