Telashe për yllin e Barcelonës, mesfushorin Arthur Melo. Pas problemeve që kishte me klubin për ndërprerjen e kontratës para kohe dhe për të kaluar te Juventusi, tani i duhet të përballet me autoritetet shtetërore.
“Diare de Girona” shkruan se policia lokale e Palafrugell e ka ndaluar atë, pas një aksidenti që ka pësuar në orët e para të mëngjesit. Rreth orës 04:00, ai ka qenë duke drejtuar makinën e tij tip Ferarri dhe ka hipur në trotuar, fatmirësisht pa i shkaktuar dëme askujt.
Policia ka mbërritur në vendngjarje dhe i ka bërë testin e alkoolit brazilianit Arthur, i cili kishte konsumuar mbi normë dhe tani pritet të merren masa ndaj tij. Gjoba është e pashmangshme për futbollistin e njohur, që sezonin e ardhshëm do të luajë në Serie A me Juventusin. /abcnews.al
#ÚLTIMAHORA ? Arthur Melo dona positiu en un control d'alcoholèmia a Palafrugell #FCBlive
via @DiarideGironahttps://t.co/Q7AIzuMffr
— Esport3 (@esport3) August 17, 2020
