Loading ...
Belgjika ka raportuar zero raste të reja me koronavirus për herë të parë që në mars, ndërsa ka qenë një nga vendet me shkallën më të lartë të vdekshmërisë-Covid-19, në botë.
Belgjika, që tashmë ka nisur rimëkëmbjen nga koronavirusi pasi u bë vendi me madhësi të mesme më i prekur në botë nga pandemia, nuk raportoi vdekje të reja të lidhura me Covid-19 në 24 orë, për herë të parë që nga 10 marsi.
Ashtu si në shumë vende evropiane që u goditën rëndë nga pandemia në mars dhe prill, Belgjika filloi të përmbajë përhapjen e virusit duke imponuar një karantinë dhe masa të cilat tashmë janë drejt lehtësimit.
Numri i përgjithshëm i viktimave të raportuara nga Instituti Kombëtar i Shëndetit publik Sciensano mbetet 9,787.
Duke qenë se Belgjika është shtëpia e 11.5 milion banorëve, kjo do të thotë se janë regjistruar 850 vdekje për milion, shkalla më e lartë e vdekshmërisë në botë përveç shtetit të vogël të San Marinos.
Dita kur u regjistrua numri më i lartë i viktimave në 24 orë ishte 12 prilli kur humbën jetën 343 persona.
E gjendur përballë situatës së verës dhe pushimeve kur qytetarët e saj pushojnë jashtë vendit, Belgjika futi një “sistem semafori” për të përcaktuar se ku mund të shkojnë udhëtarët dhe kush duhet të karantinohet pas kthimit. /abcnews.al/
