Belgjikë
Igli Nikolli16:59 | 01/04/2020
Vincent Kompany i dha fund aventurës 11-vjeçare me Manchester City sezonin e kaluar dhe zgjodhi të rikthehet tek Anderlecht, klubin ku nisi karrierën. Mbrojtësi belg është kapiteni i skuadrës dhe ka marrë një iniciativë fantastike. Drejtuesit e klubit po kërkojnë ndihmën e lojtarëve në këtë situatë krize.
Koronavirusi ka shkatërruar gjithçka dhe klubet e futbollit po vuajnë në aspektin ekonomik. Lojtarët u dukën të gatshëm në fillim për të pranuar uljen e rrogave, por situata ka ndryshuar. Një pjesë e tyre kanë dalë kundër propozimit të klubit. Konfuzionin e krijuar ka vendosur ta zgjidhë kapiteni.
Hln raporton se Kompani ka marrë përsipër të paguajë rrogat e shokëve që nuk pranojnë t’i ulin në këtë moment. “Do i paguaj unë rrogat e atyre që janë kundër propozimit”, ka deklaruar 34-vjeçari i njohur, duke fituar edhe më shumë zemrat e tifozëve dhe duke prekur në sedër shokët e tij të skuadrës. /abcnews.al
So Nila10:10 | 01/04/2020
Një paciente 90-vjeçare me koranovirus ka vdekur në Belgjikë, pasi nuk pranoi një ventilator dhe udhëzoi mjekët që “ta ruanin për pacientët më të rinj”.
Suzanne Hoylaerts nga Binkom, afër Lubbeek, u shtrua në spital në 20 Mars kur gjendja e saj u përkeqësua me shpejtësi pas diagnostifikimit me COVID-19.
Hoylaerts kërkoi kujdes mjekësor pasi vuante nga mungesa e oreksit dhe probleme të frymëmarrjes. Ajo u shtrua në spital, ku rezultoi pozitive për virusin dhe u vendos në izolim, dhe askush nga familjarët nuk mund ta vizitonte as edhe vajza e saj.
Mediat belge raportojnë se ajo u tha mjekëve në spital: ‘Nuk dua të përdor frymëmarrje artificiale. Ruani atë për pacientët më të rinj. Unë kam kaluar një jetë të mirë’.
Hoylaerts ndërroi jetë dy ditë pasi ajo u shtrua në spital, në 22 Mars.
Vajza e saj e pikëlluar Judith i tha gazetës hollandeze Het Laatste Nieuës: ‘Unë nuk mund ti them dot as lamtumirë dhe as nuk mund të mar dot pjesë në funeralin e saj”.
Sipas Judith, familja është kaq e habitur se si nëna e tyre mund të ishte infektuar pasi ajo qëndrontë në shtëpi dhe i zbatonte të gjitha masat e izolimit.
Vendi i vogël i BE-së, me një popullsi prej 11.4 milion banorë , deri më tani ka 12,775 raste pozitivë për COVID-19, nga të cilët 4,920 janë shtruar në spital, duke përfshirë 1.021 në kujdes intensiv dhe 705 viktima sipas numrit të fundit zyrtar./abcnews.al
Sid Orela16:17 | 31/03/2020
Një vajzë 12-vjeçare, e cila ndërroi dje të hënën në Bruksel, është bërë viktima më e re në moshë nga koronavirusi në Evropë.
Disa ditë më parë, mediat raportuan gjithashtu për rastin e një 16-vjeçar i cili ndërroi jetë në Francë dhe më pas edhe një 14-vjeçar nga Portugalia. Të dy adoleshentët e humbën jetën nga koronavirusi, shkruan abcnews.al
Mjekët thonë shpesh që fëmijët nuk janë shumë të rrezikuar nga Covid-19, por gjithsesi duket se askush nuk është “imun” ndaj këtij virusi.
Edhe drejtori i përgjithshëm i Organizatës Botërore të Shëndetësisë Tedros Adhanom Ghebreyesus ka kërkuar që situata të merret seriozisht pasi “koronavirusi ësdhtë një sëmundje serioze.”
“Koronavirusi është një sëmundje serioze. Edhe pse provat që ne kemi sygjerojnë se personat mbi 60 vjeç janë më të rrezikuarit, të rinj, përfshirë edhe fëmijë, kanë vdekur,” ka deklaruar Ghebreyesus.
Dhe Maria Van Kerkhove, menaxherja e programit dhe urgjencave të OBSH-së, shpjegoi se “ajo që dimë deri më tani është se fëmijët preken nga infeksioni, dhe madje edhe nëse ata zhvillojnë forma më të buta të sëmundjes, ne kemi parë që të humbin jetën. Kjo është arsyeja pse duhet t’i mbroni ata në çdo rast si një kategori e ndjeshme.” /abcnews.al/
eri Ida10:37 | 31/03/2020
Një 12 vjeçare është viktima më e re në Evropë që ka humbur jetën nga koronavirusi.
Vajza adoleshente ka ndërruar jetë në një spital në Belgjikë, duke u bërë dhe një ndër viktimat më të reja në botë që humb jetën nga COVID 19.
Sot na duhet të bëjmë një njoftim të vështirë. Bëhet fjalë për një vajzë. Gjendja e saj u përkeqësua tre ditë pas shtrimit”, tha mjeku virolog Steven Van Gucht duke njoftuar vdekjen e 12 vjeçares.
Vdekja e saj vjen pas asaj të një djali 14-vjeçar që humbi jetën të dielën në mëngjes pasi u diagnostikua me Covid-19 pranë Porto në Portugali.
Ndërsa të mërkurën e kaluar një vajzë 16-vjeçare vdiq në një spital për fëmijë në Paris, ku po kurohej për koronavirus, ndërkohë në viktima më e re në Birtani është një 18 vjeçar./abcnews.al
So Nila10:47 | 11/03/2020
Ministria e shëndetësisë të Belgjikës ka raportuar vdekjen e parë nga Covid-19.
Viktima është një pacient nëntëdhjetë vjeçar, i cili u trajtua në Hôpitaux Iris Sud. Nuk bëhet i ditur asnjë informacion tjetër në lidhje me viktimën.
Në Belgjikë, deri më tani janë konfirmuar 267 të infektuar me virus./abcnews.al
R D08:50 | 07/02/2020
Gjatë një operacioni të sinkronizuar në Belgjikë, Spanjë, Holandë, Gjermani dhe Francë, të enjten u arrestuan 25 të dyshuar, që i përkisnin një rrjeti shqiptar të krimiit të organizuar.
Në operacion ishin të angazhuar 600 punonjës policie. Kjo godtije ndërkufitare është rezultat i një hetimi kompleks, njofton Policia e landit Saksoni-Anhalt.
Hetimet janë zhvilluar që nga viti 2017 nga policia lokale belge në Anvers në bashkëpunim me Policinë Federale belge, Gardën Civile spanjolle dhe policinë holandeze. Në këtë proces kanë qenë të përfshira edhe Zyra Federale e Kriminalistikës në Gjermani me grupin hetimor për hetimin e narkotikëve pranë Zyrës Së Kriminalistikës së landit Saksoni Anhalt dhe Zyra e Doganave të Hanoverit e forcat e policisë së landit si dhe Policia Federale e Francës.
Të dyshuarit mendohet, se janë pjesë e një rrjeti të gjerë të tregtisë së drogës mes Amerikës së Jugut dhe Europës përmes anijeve të kontenierëve. Drogat janë kontrabanduar të fshehura nëpër kontenierë dhe janë shpërndarë në mbarë Europën me automjete të pajisura me rafte të fshehura në mënyrë të rafinuar.
I njëjti grup dyshohet se ka menaxhuar edhe plantacione kanabisi në Spanjë dhe në Gjermani, ku e kultivonn dhe e përhapnin kanabisin, përpara se ta shpërndanin atë për shitjet e mëtejshme në vende të tjera eurpoiane, thuhet ndër të tjera në komunikimin për mediat të landit të Policisë së Saksoni Anhaltit.
Gjatë arrestimeve janë kontrolluar 30 objekte, gjashtë plantacione kanabisi, 60.000 Euro, mjete të shumta komunikimi si dhe armë e municione. Operacioni është mbështetur nga Europoli./DW
nev ila17:29 | 06/02/2020
Ditën e sotme Europol ka njoftuar se ka arrestuar 25 persona, të dyshuar si të lidhur me një rrjet të krimit të organizuar, që përbëhej nga shqiptarë.
Megaoperacioni u zhvillua njëkohësisht në Belgjikë, Spanjë, Hollandë, Gjermani dhe Francë në të cilin u përfshinë mbi 600 oficerë të policisë.
Kjo goditje ndërkufitare pason një hetim kompleks, të nisur në vitin 2017, nga Policia Vendore Belgjike Antwerp në bashkëpunim me Policinë Federale Belge (Policia Federale), Garda Civile Spanjolle (Garda Civile), Policia Hollandeze (Policia), etj. Policia Gjyqësore Franceze dhe Zyra Federale e Policisë Kriminale Gjermane (Bundeskriminalamt), Sachsen-Anhalt Policia e Shtetit (Landespolizei Sachsen-Anhalt) dhe Grupi i Përbashkët i Hetimit të Drogave të Zyrës Shtetërore të Policisë Kriminale të Saksonisë-Anhalt dhe Zyrës Doganore ose Hanover.
Hetimi i drejtuar nga Policia Lokale e Antwerp zbuloi se droga kontrabandohej e fshehur në kontejnerë në Belgjikë, përpara se të shpërndahej më tej në të gjithë Evropën, duke përdorur automjete të pajisura me ndarje të sofistikuara, në të cilat fshihej droga.
I njëjti grup kriminal besohet gjithashtu se menaxhonte plantacionet e kanabisit në Spanjë dhe Gjermani, ku ata kultivonin dhe përpunonin marijuanën përpara se ta transferonin në vendet e tjera të Evropës, për shitje dhe shpërndarje të mëtejshme.
Si rezultat i ketij megaoperacioni ndërkombëtar çoi në arrestimin e:
9 të arrestuar në Belgjikë, 6 në Spanjë, 3 në Hollandë, 6 në Gjermani dhe një tjetër në Francë, duke e çuar numrin e përgjithshëm të arrestimeve në 25 persona.
U kryen kontrolle të imtësishme në 30 shtëpi, ku u sekuestruan 6 plantacione të kultivimit të marihuanës, u konfiskuan 60,000 €, telefona celular, armë dhe municione luftarake.
Koka e këtij grupi është arrestuar në Belgjikë nga Policia Lokale e Antwerpit.
Ky Klan funksiononte si një grup i strukturuar i krimit të organizuar, me degë që funksiononin ndërkombëtarisht, pra në disa vende europiane.
Disa nga anëtarët e saj që janë arrestuar sot, kanë histori të shkuara, ku janë përfshirë në trafikun e drogës në vende të ndryshme.
EUROPOL mbështeti këtë hetim duke siguruar një ekspertizë të sofistikuar gjithashtu dhe shkëmbim informacioni mes vendeve të përfshira në aksion.
Një numër takimesh operacionale u organizuan nga Europol në të gjithë Evropën, me qëllim plotësimin e boshllëqeve hetimore në nivelin ndërkombëtar, dhe koordinimin e veprimeve të njëkohshme që synojnë çmontimin e gjithë strukturës së këtij grupi kriminal./abcnews.al
Igli Nikolli12:12 | 27/01/2020
Mërgim Vojvoda shënoi golin e parë sezonal në kampionatin belg. Mbrojtësi i djathtë i hapi rrugë përmbysjes dhe fitores së Standard Liege në sfidën kundër Oostendes së Sidrit Gurit.
24-vjeçari dardan ndërmori një aksion të bukur dhe shënoi një gol fantastik me të jashtmen në triumfin 2-1 të së premtes. Performanca e Vojvodës ishte shumë pozitive dhe ai u zgjodh lojtari më i mirë i ndeshjes.
Mbrojtësi i djathtë është një titullar fiks i ekipit belg dhe këtë sezon është aktivizuar në 24 ndeshje. Vojvoda ishte edhe një nga lojtarët më të mirë të Kosovës në fazën eliminatore të Euro 2020, aty ku realizoi edhe një gol në fitoren 2-1 kundër Çekisë. /abcnews.al
Veronik Istrefaj19:51 | 18/01/2020
Karriera e Rudi Vatës ka marrë një kthesë të papritur. Ish-kapiteni i kombëtares shqiptare të futbollit u largua nga Glasgou drejt Belgjikës, aty ku do të merrte rolin e këshilltarit në klubin e Mouscron. Megjithatë, drejtuesit e klubit belg kanë vendosur t’i besojnë stolin shqiptarit. Vata ka folur për mediet belge, duke thënë fjalët e para si trajner i Mouscron.
“Nuk erdha këtu për të drejtuar. Nuk kam fjetur gjumë aspak këtë javë, thjesht kam menduar çfarë të bëj me futbollistët. Nuk ishte e lehtë. Të gjithë këtu janë profesionistë, e kanë ata në dorë që të bëjnë punën në fushën e lojës. Në Gent, do të jemi seriozë dhe të organizuar.
Kemi punuar mirë gjatë kësaj jave. Duhet të bëhemi të fortë në këto kohë. Grupi i futbollistëve më ka befasuar për mirë. Jam mësuar që të përballem me situata të vështira. Për mua, problemet më marrin vetëm 5% të kohës, 95% ia dedikoj gjetjes së zgjidhjeve”, u shpreh Vata./abcnews.al
in a11:57 | 09/01/2020
Një bandë shqiptare në Belgjikë është dënuar me pesë vite burg dhe i është kërkuar që të riktheheshin gjysmë milionë euro nga paratë e drogës.
Gjobëvënie, trafik kokaine e armësh. Këto janë veprimtaritë me të cilat merreshin një bandë shqiptarësh e përbërë prej tetë personash. Shqiptarët janë kapur dhe pasi janë vënë në pranga, janë gjykuar nga një gjykatë në Belgjikë.
Hetimet nisën në vitin 2013 pas dyshimeve se banda vendoste gjoba ndaj kafeneve, hoteleve dhe diskove të zonës. Policia arriti të vendoste një përgjues në Mercedes-in e Alban C, që dyshohet se drejtonte bandën. Ndërkohë tre agjentë policorë kroatë të maskuar u infiltruan në ambientet e bandës. Përgjimet e shumta zbuluan se banda nuk merrej vetëm me gjobëvënie, por edhe me shitjen e kokainës dhe armëve të rënda si kallashnikovë. Në vitin 2015, njësia speciale arrestoi disa të dyshuar. Gjatë kontrollit u gjetën 683 gram kokainë dhe tre kallashnikovë në garazhin e Alban C. Sipas prokurorëve, rrjeti përbëhej nga Alban C. (40 vjeç), Agron L.(41 vjeç), Kevin B. (40 vjeç), Dhimitër G. (43 vjeç) dhe Ajet P. (39 vjeç). Ata kërkuan pesë vite burg dhe që të riktheheshin gjysmë milionë euro nga paratë e drogës. Në fund, gjykatësi dënoi Alban C dhe Agron L. me 42 muaj (3.5 vite) burg dhe një konfiskim prej 75 mijë eurosh.
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
