Një aksident me pasojë vdekje ka ndodhur mbrëmjen e sotme në Fier. Burime për abcnews.al bëjnë të ditur se një automjet ka përplasur për vdekje një këmbësor, 64 vjeçar.
Ky i fundit ka qenë duke ecur në anë të rrugës, ndërsa përplasja rezultoi fatale për jetën e tij.
Ngjarja ka ndodhur në fshatin Zhupan, ndërsa policia ka nisur hetimet për zbardhjen e plotë të shkaqeve të këtij aksidenti. Blutë njoftojnë se kanë shoqëruar në Komisariatin e Policisë Fier drejtuesi i mjetit, një 25-vjeçar me iniciale K. F. dhe po kryhen veprimet proceduriale.
Njoftimi i policisë:
Fier
Informacion paraprak
Sot rreth orës 22:00, në afërsi të fshatit Zhupan, mjeti tip “Fiat” që drejtohej nga shtetasi K. F., 25 vjeç, ka përplasur shtetasin P. M., 64 vjeç, i cili ishte këmbësor.
Si pasojë e përplasjes ka ndërruar jetë shtetasi P.M
Eshtë shoqëruar në Komisariatin e Policisë Fier drejtuesi i mjetit dhe po kryhen veprimet proceduriale.
Grupi hetimor po punon për zbardhjen e plotë të ngjarjes.
/abcnews.al
