Ditë më parë, qarkulloi në media lajmi se Olta Boka është në pritje të ëmbël. Ka qenë vetë këngëtarja, ajë që i ka konfirmuar thashethemet me një foto të publikuar në Instagram, ku shfaqet e veshur me fustan ngjyrë rozë, mes luleve në natyrë dhe me barkun e rrumbullakosur.
“Prej 9-muajsh unë shoh vetëm me sy të ngjyruar rozë. Prej 9 muajsh, roza është ngjyra ime e dashurisë së përjetshme”, shkruan këngëtarja krahas fotos, duke treguar njëherazi se është në pritje të një vajze.
Rreth një muaj më parë u përfol se këngëtarja pritet të bëhet së shpejti nënë, por ajo si gjithmonë është treguar shumë diskrete përsa i përket jetës personale, duke e mbajtur sa më larg vëmendjes së mediave. /abcnews.al



