Loading ...
Një grua ka ndërruar jetë mëngjesin e sotëm tek spitali Infektiv në QSUT.
Gazetarja Ajgena Korbi raporton për abcnews.al se gruaja ishte e infektuar me koronavirus dhe kishte disa sëmundje të tjera.
Dyshohet se gruaja është infektuar nga reparti i mjekësisë interne për tek Infektivi pasi u konstatua se kishte koronavirus.
Mjekët dyshojnë se ajo është infektuar pikërisht tek ky repart.
Në një reagim të mëvonshëm ministria e Shëndetësisë thekson se gruaja nuk ka vdekur nga koronavirusi, por nga sëmundjet e tjera shoqëruese.
“Referuar shërbimit infektiv, një 81 vjeçare ka ndërruar jetë nga insuficienca multiorganore. E moshuara, sipas këtij shërbimi, ishte asimptomatike për Covid19.
81-vjeçarja vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma”, bëri me dije ministria.
Njoftimi i plotë
Ministria e Shëndetësisë: Nuk ka vdekje nga COVID19, 81 vjeçarja ishte asimptomatike, ndërroi jetë nga insuficienca e disa organeve
Ministria e Shëndetësisë informon se, referuar shërbimit infektiv, një 81 vjeçare ka ndërruar jetë nga insuficienca multiorganore. E moshuara, sipas këtij shërbimi, ishte asimptomatike për Covid19.
81-vjeçarja vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma. /abcnews.al
