Thiago Silva është në qendër të kritikave. Ish-futbollisti francez, Johan Micoud, e ka sulmuar mbrojtësin brazilian të PSG-së, duke thënë se ky i fundit e ka zhgënjyer.
“Do të ishte bukur ta shihnim të luante deri në gusht në Champions, para se t’ia lërë stafetën Marquinhosit. Ai besoj se ka më shumë energji se Thiago Silva. Duket më shumë një lider në fushë edhe kur flet. Rrezaton më shumë qetësi dhe energji.
Thiago më ka zhgënjyer. Ka cilësi të jashtëzakonshme, është elegant. Por nuk ka dhënë asgjë më shumë në ndeshjet e rëndësishme. Duhej të kishte bërë një hap përpara te PSG, përkundrazi është zhdukur. Besoj se kjo do t’i mbetet si një njollë në karrierë”, u shpreh Micoud për L’Equipe./abcnews.al
