Loading ...
Është padyshim njeriu i momentit.
Luis Enrike, një trajner krenar nga Asturia e Spanjës, duket se është ngjitur në Olimpin e profesionit duke lënë disi në hije të shquar si Pep Guardiola, Zhoze Murinjo apo Karlo Ançeloti.
Me dy Champions radhazi, ai është ngjitur në vendin e dytë të teknikëve më të suksesshëm në këtë konkurrim të madh, baraz me Guardiolën, Bob Pejslin dhe Zinedin Zidanin.
Vetëm Ançeloti me 5 trofe, qendron mbi 56-vjeçarin që padyshim ka kohë përpara për ta barazuar.
Po ashtu, vitin që vjen do të kërkojë rekordin e Zidanit me tre Liga të Kampionëve radhazi, kur ia doli tek Reali.
Paris SG është padyshim një skuadër e madhe, e tillë që mundi thellë Interin vjet 5-0, dhe që mund të krijojë një dinasti, ashtu si Reali, Ajaksi apo Bajerni.
Llogarinë triumfuese me Championsin, njeriu I stolit e nisi tek Barcelona kur ia doli 3-1 në finalen e Berlinit ndaj Juventusit, dhe në ekip ishin legjendat Mesi, Ksavi apo Iniesta.
Luis Enrike natyrisht ka edhe një arsye tjetër që vazhdon të fitojë, përveçse është e natyrshme ta bëjë si profesionist.
Prej 7 vitesh, asturiani ka humbur vajzën e tij të shtrenjtë, Hanën, që u shua për shkak të një sëmundjeje të rëndë në moshën 9-vjeçare në 2019.
Ai gjithmonë ka thënë se bija e tij është gjithmonë pranë tij, edhe pse jo fizikisht.
Tifozët e Paris SG I bënë homazh vajzës së shuar në finalen e vjetshme, e do të vazhdojnë ta bëjë./abcnews.al
