Sergio Aguero mund të bëjë gjithçka. Golashënuesi më i mirë në historinë e Manchester Cityt, vazhdon të jetë në izolim, si pjesa më e madhe e futbollistëve në Europë. Gjithsesi, do të ketë mundësinë që të bëjë diçka ndryshe në këto ditë të vështirë.
Bomberi argjentinas do të marrë pjesë në një kompeticion online Formula 1, ku do të garojë në krah të pilotëve më të njohur të sportit më popullor për gara. Duelin e parë, Aguero do e ketë me pilotin e Red Bull, Alex Albon.
Aguero nuk është futbollisti i parë që i është bashkuar këtij kompeticioni online të Formula 1. Katër herë fituesi i Premier League do ta nisë garën i pari në renditje, por do të ketë rivalitetin e fortë të Albon në “Pod2”. E gjithë gara do të transmetohet LIVE në kanalin e EA Sport./abcnews.al
