Loading ...
Shumë lojtarë kanë shkëlqyer sivjet te Lazio dhe Luiz Felipe është një nga surprizat më të bukura të repartit të mbrojtjes. Igli Tare pagoi 750 mijë euro në arkat e Ituanos verën e vitit 2016. Mbrojtësi kaloi një sezon huazim te Salernitana dhe u rikthye më i fortë në kryeqytet.
Nga viti në vit është rritur dhe sivjet ka zhvilluar ndeshje shumë pozitive. Braziliani i pëlqen shumë Barcelonës, ndërsa Tare dhe Lotito po i përgatisin rinovimin e kontratës. 23-vjeçari ka folur për UOL rreth interesimit katalanas, rikthimit në fushë dhe vazhdimësisë me Lazion.
Kampionët e Spanjës kanë nisur negociatat me drejtorin sportiv të Lazios dhe po punohet për shitjen e tij për një shumë prej 30 milion eurosh. “Interesimi i Barcelonës më gëzon, tregon se kam punuar mirë dhe klubet e mëdha po më ndjekin.
Të gjithë ata që më njohin, e dinë që jam një tip i qetë dhe nuk rrëmbehem nga entuziazmi. Duhet të jem i përqendruar dhe të jap më të mirën për Lazion, që më ka besuar dhe mbështetur nga dita e parë”, deklaron Luiz Felipe. /abcnews.al
