Portieri i Real Madrid, Thibaut Courtois, ka folur sot sa i takon rifillimit apo anulimit të sezonit në La Liga. Gardiani belg nuk e nisi mirë aventurën e tij në Madrid pas transferimit nga Chelsea, por muajt e fundit, ka bërë ndeshje pozitive me fanellën e “Los Blancos”.
Real Madrid është në vend të dytë në La Liga, me vetëm 2 pikë më pak se kryesuesit e Barcelonës. Në rast se sezoni do të ndërpritej, katalanasit do të shpalleshin kampionë të Spanjës dhe kjo gjë, nuk i pëlqen aspak Courtois.
“Jemi vetëm dy pikë pas Barcelonës dhe nëse sezoni do të anulohej dhe Barça do të shpallej kampione, do të ishte e padrejtë! Në dy ndeshjet kundër tyre, kemi barazuar dhe i kemi mposhtur, kështu që ne jemi ekipi më i mirë”, përfundoi gardiani belg./abcnews.al
“We were the better team” ?
Thibaut Courtois REALLY doesn’t want Barcelona to be crowned La Liga champions ? pic.twitter.com/DuyOifLYgB
— Goal (@goal) May 5, 2020
