Kryeministri Edi Rama ka bërë me dije se në mënyrë graduale do të fillojë dhe të vihen në lëvizje kantieret në disa zona në Elbasan, Shkodër, Fier etj.
Shefi i qeverisë përmes një postimi në rrjetin social Facebook, shkruan se ekonomia e luftës do të vihet me hapa shumë të matur në lëvizje.
Gjithashtu ai ka theksuar se është e rëndësishme që të vijojmë të ruhemi fort, në këtë situatë pandemie.
Postimi i plotë:
? Kantieret rifillojnë me pikatore në zonat rurale të Elbasanit, Lushnjës,Shkodrës, Konispol, Borsh, Fushë-Krujë, Fier, duke garantuar rregullin e distancës së sigurtë për punonjësit.
? Ekonomia e luftës do të vihet me hapa shumë të matur në lëvizje, për të garantuar sa më shumë vende pune nën bombardim dhe frymëmarrjen jetike në shtëpinë tonë të përbashkët .
? do të vazhdojmë të mbrohemi shumë fort, duke organizuar kundërsulme në pika nevralgjike për të siguruar rrugët e frymëmarrjes në muajt e ardhshëm.
Durim dhe besim, si një trup i vetëm??./abcnews.al
