Ministria e Shëndetësisë ka reagaur për helmimin e dhjetra nxënësve në shkollën “Janaq Kilica” në Fier.
Ministria bën me dije se 60 nxënës morën trajtim në spitalin dhe gjendja e tyre shëndetësore është e stabilizuar. Sipas ministrisë pjesa më e madhe e nxënësve kanë lënë spitalin.
Në njoftimin e ministrisë thuhet se Inspektorati Shtetëror Shëndetësor ka nisur grupet e inspektimit në terren për verifikim dhe marrjen e masave të menjëhershme.
Njoftimi i ministrisë:
Sipas të dhënave të minutave të fundit nga spitali rajonal i Fierit, bëhet me dije se, aktualisht në këtë spital po marrin trajtim 14 nxënës, të cilët janë në gjendje të stabilizuar shëndetësore, por po mbahen në observim nga mjekët.
Paraditen e sotme pas ngjarjes në shkollen e mesme “Janaq Kilica” u paraqiten menjëherë në spital rreth 30 nxenës dhe më pas numri erdhi në rritje duke shkruar në 50 dhe deri para pak minutash, në 60 nxënës me shenja të intoksikacionit, por një pjesë edhe me neuroza paniku, që sipas mjekëve, janë të kuptueshme në këtë situatë.
Në një prononcim për media, drejtoresha e spitalit rajonal Fier deklaroi se aktualisht, pjesa më e madhe e nxënesve kanë lënë spitalin, ndërkohë që 14 nxënës po mbahen në observim.
/abcnews.al
