Fitore magjike dhe vendi i parë. Tirana ka përmbysur me rezultatin 1-2 Kukësin në “Air Albania Stadium” dhe festa është e gjitha bardheblu. Një lojë më e mirë e skuadrës së drejtuar nga Emanuel Egbo, që askush nuk e mendonte se do të triumfonte në fund.
Kristi Vangjeli i dha avantazhin Kukësit me një autogol, ndërkohë që korçari në të 74′ pati një mundësi për të vendosur baraspeshën. Tirana u hodh në sulm për të shmangur humbjen dhe Cale u ndal në mënyrë të parregullt në hyrje të zonës, duke detyruar Teqen të dalë me karton të kuq.
Idriz Batha elektrizoi tifozerinë bardheblu, duke ekzekutuar në mënyrë perfekte një goditje dënimi. Xhika u mundua ta ndalonte mesfushorin, por nuk ia doli dot. Kukësi u pezmatua dhe për dy minuta pësoi sërish.
Cobbinah vallëzoi në mbrojten e verilindorëve, para se të pasonte për Agustin Torassa. Argjentinasi, i ndodhur pranë portës së Kukësit, nuk fali dhe e dërgoi topin në rrjetë. 1-2 dhe Kukësi duhet të tentonte barazimin, që nuk e gjeti dot deri në fund. /abcnews.al
KATEGORIA SUPERIORE – JAVA 23
E premte, më 21 shkurt, ora 18:00
“Air Albania Stadium”, Tiranë
KUKËSI-TIRANA 1-2
Shënues: Vangjeli 52′(aut.) / Batha 85′, Torassa 87′
KUKËSI: Xhika, Maliki, Teqja, Obanor, Musta, Musolli, Limaj, Rroca, Ethemi (Gavazaj 74′), Abazaj, Shkurtaj (Lulaj 79′). Trajner: Shpëtim Duro
TIRANA: Lika, Doka, Muça, Vangjeli, Hoxhallari (Ismajlgeci 68′), Batha, Çelhaka, Cobbinah, Torassa (Sidibe 92′), Cale, Muçi (Ngoo 59′). Trajner: Emanuel Egbo
Kartonë të verdhë: Musolli9′, Teqja 19′, 84′ Ethemi 70′ / Doka 30′, Vangjeli 34′, Sidibe 96′
Karton i kuq: Teqja 84′
