Besëlidhja është në rrugë të mbarë, pasi ia ka dalë ta mposhtë skuadrën e Terbunit dhe të ngushtojë diferencën me Kastriotin e vendit të parë. Dordevic ishte vendimtar me golin e shënuar në pjesën e dytë.
Burreli e ka nisur gjithashtu mirë vitin. Matjanët përmbysën sot Korabin, që shënoi i pari me Prendin. Shkodrani Fikaj realizoi dy herë dhe i dha fitoren Burrelit, që ngjitet në vendin e tretë në grupin A. Takimi tjetër i këtij grupi, Egnatia-Veleçiku, u mbyll në barazim pa gola.
GRUPI B – Pogradeci nuk e fal Elbasanin, që e mund 3-0 dhe rimerr kreun e klasifikimit pas humbjes së Lushnjës. Jahaj me penallti dhe Shyti me dygolësh nderuan liqenorët që po tentojnë rikthimin në Superiore.
Lushnjës i rezultoi e vështirë transferta me Orikun, sikurse edhe pritej. Një gol i Gjinajt i dha tre pikët skuadrës vlonjate. Besa nuk mundi të mbajë ritmin e Pogradecit, pasi u ndal në barazim pa gola me Ilirinë në shtëpi.
Devolli mori tre pikë të arta me një kundërshtar si Turbina. Miqtë nga Cërriku luajtën nga minuta e gjashtë me një lojtar më pak, pasi sulmuesi Jurgen Peqini u ndëshkua me karton të kuq. Çela për vendasit shënoi i pari, kurse Levendi i barazoi shifrat. Në fund braziliani De Mota nderoi Devollin me golin e tij.
KATEGORIA E PARË – JAVA 14
E shtunë, më 2 shkurt, ora 14:00
GRUPI A
Egnatia-Veleçiku 0-0
Besëlidhja-Tërbuni 1-0
Shënues: Dordevic 59′
Korabi-Burreli 1-2
Shënues: Prendi 27′ / Fikaj 31′, 61′
GRUPI B
Pogradeci-Elbasani 3-0
Shënues: Jahaj 29′ (pen.), Shyti 67′, 75′
Oriku-Lushnja 1-0
Shënues: Gjinaj 28′
Devolli-Turbina 2-1
Shënues: Çela 67′, De Mota 89’/ Levendi 73′
Besa-Iliria 0-0
