kategoria e pare
ZUM MEDIKAMENTEN-PREISVERLGLEICH ZWISCHEN DER SCHWEIZ UND DEM AUSLAND STELLEN WIR IHNEN AM DIENSTAG, 12. FEBRUAR 2013 FOLGENDES ARCHIVBILD ZUR VERFUEGUNG - Eine Mitarbeiterin der Apotheke Wyss versieht Medikamentenschachteln mit Strichcodes, aufgenommen am 13. Juli 2012 in der Apotheke Wyss in Baden. (KEYSTONE/GAETAN BALLY / Keystone)..

matraxhiu.jpg
Vladimir Prenga15:26 | 15/03/2020

Historia e një qyteti! Në këtë foto kam të përmbledhur shumë kujtime. Qyteti jetonte me skuadrën, unë udhëtoja çdo javë nga Tirana për të pare ekipin. Gjithçka dukej si një ëndërr, pavarësisht se ekipi një vit më parë ishte nënkampion i Shqipërisë. Trofeu kampion ishte i pabesueshëm që nga vitet 80-të në Elbasan. Së bashku me shokët organizoheshim për të mbështetur skuadrën. Asokohe nuk kishte shumë informacione si tani.

Në internet ekzistonte vetëm ëëë.tifozat.com, ku merrje eksperienca dhe mundoheshe t’i transmetoje tek te tjerët. Pas një nisme të bukur, krijuam dhe tifogrupin dhe ishim më të organizuar në mbështetje të skuadrës. Kujtimet janë shumë të bukura dhe prekëse. Udhëtonim edhe jashtë fushe mbi 3000 veta. Ndërsa në Elbasan, edhe pjesa përballë nuk kishte stola me numër radhe dhe vendi, tifozët ziheshin për të zënë një vend.

 

Kur mbaronte ndeshja, bulevardi kryesore nga stadiumi deri tek porta e kalasë ishte i zënë nga tifozët që festonin. Lufta vazhdoi e gjatë, tifozët shumë të betuar dhe besnikë ndoqën skuadrën hap pas hapi, derisa titulli kampion erdhi në Elbasan. Festa e nisur me 13 Maj 2006 në qytetin tonë, padyshim nuk është e parealizueshme, por origjinale për mënyrën e përjetimit të të gjithë qytetit, nga më i vogli, tek më i madhi. Festa vazhdoi deri në agim. Vullkani verdheblu kishte shpërthyer. Vëmendja e mediave dhe e gjithë opinionit sportiv në Shqipëri ishte në Elbasan.

Por të ecim përpara pak në kohë! Të analizojmë Elbasanin sot? Ku janë pushtetarët që e duan qytetin me zemër (gjatë fushatës elektorale) dhe me pas harrojnë që ky qytet ka edhe një ekip futbolli me tradita, i cili brez pas brezi, trashëguar me lojtarë në fushën e blertë dhe tifozë në shkallët e stadiumit, ka ekzistuar dhe do të ekzistojë.

 

Por indiferenca e tyre, lakmia e pushtetit, gjithashtu do të mbahet mend në çdo kohë se si ata elbasanas, që me pushtetin në dorë nuk bënë asgjë për amanetet e të parëve të tyre. Është e kotë që të shkruaj më shumë, pasi nuk jam as i pari dhe as i fundit që ngre zërin për Elbasanin, por më shumë se ngritja e zërit, duhet ngritur ajo tifozeri e izoluar prej kohesh nga ecuria e keqe e Elbasanit.

Të jem realist dhe të mos bëj hipokritin, sot nuk kam mundësi dhe as ngenë të bëj gjëra të tilla, por me bindje të plotë e them, se të isha edhe një herë në adoleshencë, do të rrija çdo ditë, i vetëm apo me shokë, te porta e kryetarit të Bashkisë! Dhe këtë s’do ta bëja për interesa tenderash apo pozicione pune, por për një dashuri ndaj asaj logoje, të cilën kurrë se kam mohuar.

 

Për një trashëgimi e amanet që na e lanë gjyshërit dhe njerëzit tanë. Për ata shokë që ndodhen në këto foto, por sot nuk janë më mes nesh, fëmijët tanë që rriten në qytete apo shtete të tjera dhe s’kanë mundësi të shohin skuadrën e gjakut, atij gjaku verdheblu që rrjedh në venat e tyre!

I bëj thirrje kryetarit të Bashkisë (si një bashkëmoshatar) të ngrejë një grup të posaçëm pune për të analizuar situatën në klub dhe padyshim jo vetëm për të analizuar, por edhe për t’i dhënë zgjidhje një herë e përgjithmonë kësaj krize që ai qytet që jeton me futbollin, nuk e meriton! / Andi Matraxhiu, Facebook

fshf-skandal.jpg
Vladimir Prenga12:16 | 12/03/2020

Qeveria shqiptare ka vendosur që të bllokojë lëvizjet në kryeqytet dhe në shumë qytete të tjera, çka vë në rrezik edhe kampionatin. Klubet e futbollit duhet të udhëtojnë dhe ky vendim i fundit nuk ua lejon diçka të tillë.

Në këto kushte, pas edhe kërkesës që Laçi bëri për pezullimin e kampionatit, në FSHF do të duhen të marrin një vendim, ose të gjejnë një zgjidhje me autoritetet për lëvizjen e pirë të klubeve të futbollit.

Një pjesë e mirë e tyre stërviten në kryeqytetet dhe ndalimi i qarkullimit ua pamundëson edhe seancat stërvitore. Në këto kushte, ku masat për të ndaluar përhapjen e Coronavirusit janë shumë shtrënguese, FSHF mund të detyrohet të pezullojë për momentin kampionatin. /abcnews.al

terbuni-kastrioti.jpg
Vladimir Prenga15:00 | 11/03/2020

Komisioni i Disiplinës është mbledhur sot dhe ka vendosur mbi parregullsitë e shfaqura në futbollin shqiptar në fundjavë. Probleme janë evidentuar kryesisht te moshat, teksa ka disa lojtarë të dënuar për shkak të veprimeve të tyre, si dhe gjobë për klubin e Tërbunit.

VENDIMET E KOMISIONIT TË DISIPLINËS

– FK Tërbuni, për dështim në përmbushjen e përgjegjësive, në bazë të Nenit 64/3/b) të KDS dënohet me gjobë në masën 50.000 (pesëdhjetë mijë) Lekë. Në zbatim të Nenit 116/1/a) të KDS gjoba të aplikohet në masën 50%.

– Lojtari i KF Klosi, Kristian Meshaj, për sjellje josportive ndaj zyrtarit të ndeshjes, në bazë të Nenit 48/1/a) të KDS dënohet me 8 (tetë) ndeshje pezullim nga aktiviteti futbollistik.

 

Pankarta e tifozëve të Tërbunit

– Lojtari i KF Klosi, Flogert Doma, për sjellje josportive ndaj zyrtarit të ndeshjes, në bazë të Nenit 48/1/a) të KDS dënohet me 6 (gjashtë) ndeshje pezullim nga aktiviteti futbollistik.

– FK Elbasani U-19, për dështim përmbushjen e përgjegjësive, në bazë të Neneve 63 dhe 64 të KDS dënohet me gjobë në masën 100.000 (njëqind mijë) Lekë. Në zbatim të Nenit 116/1/e) të KDS gjoba të aplikohet në masën 3%.

– Lojtari i FK Elbasani U-19, Imer Hoxha, për sjellje josportive ndaj zyrtarëve të ndeshjes, në bazë të Nenit 48/1/a të KDS dënohet me 6 (gjashtë) ndeshje pezullim nga aktiviteti futbollistik.

– KS Vlora U-17, për sjellje të gabuar të spektatorëve, në bazë të Neneve 65/1, 65/3/h) të KDS dënohet me gjobë në masën 200.000 Lekë. Në zbatim të Nenit 116/1/3) të KDS gjoba të aplikohet në masën 3%.

– Lojtari KS Vlora U-17, Igli Lamaj, për sjellje josportive ndaj kundërshtarit, goditje me grusht, në bazë të Nenit 47/1/e të KDS dënohet me 6 (gjashtë) ndeshje pezullim nga aktiviteti futbollistik.

 

– Lojtari KS Vlora U-17, Astrit Hodaj, për sjellje josportive ndaj kundërshtarit, në bazë të Nenit 47/1/d të KDS dënohet me 2 (dy) ndeshje pezullim nga aktiviteti futbollistik.

– Lojtari KS Vlora U-17, Dijon Jonuzi, për sjellje josportive ndaj kundërshtarit, në bazë të Nenit 47/1/d të KDS dënohet me 2 (një) ndeshje pezullim nga aktiviteti futbollistik.

– Lojtari FK Kukësit U-19, Jonuz Kraja për sjellje josportive ndaj kundërshtarit, në bazë të Nenit 47/1/d të KDS dënohet me 1 (një) ndeshje pezullim nga aktiviteti futbollistik

– Lojtari KF Burreli U-19, Rigers Hastoci, për sjellje josportive ndaj kundërshtarit, në bazë të Nenit 47/1/d të KDS dënohet me 1 (një) ndeshje pezullim nga aktiviteti futbollistik.

– Rrëzimin e kërkesës së lojtarit të KF Teuta U-19, Artan Jazxhi, si të pabazuar në Kodin e Disiplinës.

– Rrëzimin e kërkesës së lojtarit të FK Tërbuni, Rigers Dushku, si të pabazuar në Kodin e Disiplinës.

– Pranim e kërkesës së KF Butrinti U-19. Në bazë të Nenit 30/3 të KDS, KF Oriku U-19 humbet ndeshjen kundër KF Butrinti U-19 në tavolinë me rezultatin 0-3.

IMG_20200307_164232-1280x719.jpg
Vladimir Prenga16:41 | 07/03/2020

Shiu është bërë pengesë ditën e sotme, teksa ndeshja e programuar të luhej mes Orikut dhe Elbasanit është shtyrë. Gjendja e fushës nuk ishte e mirë dhe zy e ndeshjes kanë vendosur që kjo përballje të mos zhvillohej.

Dy takimet e tjera janë luajtur sipas planit dhe kanë fituar Devolli dhe Iliria. Skuadra nga Bilishti mposhti me rezultatin 2-1 ekipin e Turbinës së Cerrikut. Kita kaloi në epërsi skuadrën vendase, kurse me fillimin e pjesës së dytë barazoi Levendi.

Saimir Hasanaj, afrim i janarit në merkato, vazhdon të shënojë gola dhe këtë herë me vlerën e tre pikëve. Sulmuesi mposhti portierin kundërshtar dhe i dha fitoren Devollit me rezultatin e ngushtë 2-1.

Fitore edhe për Ilirinë e Fushë-Krujës, që kaloi me sukses Shënkollin me rezultatin 4-2. Xhymerti realizoi dy herë për vendasit, ndërkohë që edhe Gjoka i miqve ndihmoi me një autogol. Golin e katër për vendasit e shënoi Pasha, kurse për Shënkollin e gjetën rrugën e rrjetës Toma dhe Gega. /abcnews.al

KATEGORIA E PARË/ FAZA E TRETË – JAVA 1

E shtunë, më 7 mars, ora 15:00
Grupi B (Play-Out)
Devolli-Turbina 2-1
Shënues:
Kita 44′, Hasanaj 76’/ Levendi 59′
Iliria-Shënkolli 4-2
Shënues:
Xhymerti 28′, 37′, Gjoka 32′ (aut.), Pasha 52′ / Toma 44′, Gega 84′
Oriku-Elbasani (e shtyrë)

 

egnatia-vs-korabi.jpg
Vladimir Prenga15:58 | 07/03/2020

Egnatia i ka dhënë një goditje të rëndë Dinamos, që e ka mundur me rezultatin e ngushtë 1-0. Skuadra nga Rrogozhina ka marrë tre pikë që e ngjitin në krye për momentin dhe i largohen rrezikut për mbijetesë. Fatet e ndeshjes së sotme i vendosi Amarildo Dimo, i cili shënoi dhjetë minuta para fundit.

Në Pukë ekipi vendas u mposht nga Veleçiku, me shifrat 1-4. Tërbuni kishte disa mungesa, ndërkohë që edhe mbrojtësi Hithi u dëmtua dhe u dërgua në spital gjatë ndeshjes. Ekipi nga Kopliku shënoi që në fillim me Tomën, i cili edhe dyfishoi.

Mezini ngushtoi shifrat për Tërbunin, por Pelinku iu përgjigj shpejt dhe realizoi golin që i mbylli të gjitha llogaritë. Në shtesa realizoi edhe Dyca. Ky trepikësh i jep qetësi Veleçikut, që do tentojë të shmangë rënien nga kategoria. /abcnews.al

KATEGORIA E PARË/ FAZA E TRETË – JAVA 1

E shtunë, më 7 mars, ora 14:00
Grupi A (Play-Out)
Egnatia-Dinamo 1-0
Shënues:
Dimo 79’
Tërbuni-Veleçiku 1-4
Shënues:
Mezini 80’ / Toma 10’, 68’, Pelinku 81’, Dyca 94′

iliria-oriku-1280x853.jpg
Vladimir Prenga09:58 | 07/03/2020

Rikthehet Kategoria e Parë dhe sot nis faza e tretë. Në plan janë pesë ndeshje, që do të zhvillohen në orare të ndryshme. Ekipet që luftojnë për mbijetesë në grupin A do të luajnë prej orës 14:00. Egnatia do të presë Dinamon në shtëpi dhe këtë herë kthehen tifozët në Rrogozhinë. Takimi tjetër zhvillohet në Pukë, midis Tërbunit dhe Veleçikut. Burreli është pushim.

Takimet e grupit B nisin një orë më vonë, në 15:00. Devolli pret Turbinën në Bilisht, kurse në Fushë-Krujë përballen dy skuadra fqinje: Iliria dhe Shënkolli. Ndeshja tjetër e këtij grupi është ajo mes Orikut dhe Elbasanit të vendit të fundit. / abcnews.al

 

Ndeshjet e ditës
stadiumi-i-krujes.png
Vladimir Prenga17:45 | 06/03/2020

Një tjetër stadium do t’i shtohet vendit tonë. Në fakt do të ketë një pamje të re, pasi do të rikonstruktohet. Bëhet fjalë për stadiumin “Kastrioti” të qytetit të Krujës. Sot kanë nisur punimet për shembjen e shkallëve ekzistuese dhe murit rrethues.

Synimi është që Kastrioti sezonin e ardhshëm të rikthehet të luajë në shtëpi, pasi shtegtimit 2-vjeçar në “Redi Maloku” të Fushë-Krujës. Krutanët janë pranë ngjitjes në Superiore dhe një stadium me kushtet e duhura është një plus për garën në elitën e futbollit shqiptar.

“Ka nisur sot puna ne Stadiumin “Kastrioti”, i cili do t’i nënshtrohet një rikonstruksioni total, duke filluar që nga tribuna qendrore, që do të zgjerohet dukshëm. Gjithashtu do të ndërtohen dhoma të reja zhveshjesh, sallë konferencash, si edhe sektor i ri për median.

Tapeti i fushës do të jetë i ri, si edhe i gjithë stadiumi do të jetë me stola. Gjithashtu, pjesa jashtë rrethimit të stadiumit do të jete e aksesueshme, ku kryesisht do të shërbejë për hyrje në sektorët përkatës, por edhe për parking për tifozët”, shkruhet në njoftimin e klubit të Kastriotit. /abcnews.al

kastrioti-egantia.jpg
Vladimir Prenga20:16 | 29/02/2020

U mbyll faza e dytë e Kategorisë së Parë dhe tashmë mësohen edhe përballjet e ekipeve që do të luftojnë për një vend në Superiore. Në grupin A do të luftojnë Kastrioti, Besëlidhja, Erzeni dhe Korabi.

Në grupin B, katër vendet e renditura të parat janë Pogradeci, Apolonia, Lushnja dhe Besa. Më poshtë ju sjellim edhe kalendarin për të dyja grupet. /abcnews.al

 

elbasani-iliria.jpg
Vladimir Prenga17:20 | 29/02/2020

Garë interesante në grupin B për mbijetesën. Në gjashtëshen e dytë janë përfshirë skuadra si Devolli, Oriku, Turbina, Iliria, Shënkolli dhe Elbasani. Deri në fund do të luftohet fort për të mos u renditur në dy vendet e fundit.

Tashmë këto skuadra kanë mësuar edhe kalendarin që do të kenë në fazën e tretë dhe normalisht në çdo ekip kanë nisur edhe llogaritë, ku mund të marrin pikë dhe ku do e kenë të vështirë. / abcnews.al

 

kastrioti-burreli-1280x853.jpg
Vladimir Prenga17:04 | 29/02/2020

Kategoria e Parë ka edhe një fazë, ndërkohë që janë mësuar përballjet në grupin A të gjashtë ekipeve të poshtme të tabelës së klasifikimit. Në fakt janë pesë ekipe, duke pasur parasysh që Shkumbini është përjashtuar nga gara.

Burreli, Egnatia, Tërbuni, Veleçiku dhe Dinamo janë njohur me sfidat që do të kenë në fazën e tretë. Më poshtë ju sjellim të gjitha përballje deri në fund të kampionatit, që janë të përcaktuara sipas një formule të përcaktuar nga FSHF. / abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono