Loading ...
E përditshmja “Marka” pati ndoshta titullin më të goditur.
Gazeta e madhe e kryeqytetit spanjoll e krahasoi talentin e madh të Realit, Kilian Mbape, me dominuesin e çiklizmit, Tadej Pogaçar.
Ylli nga Sllovenia po dominon Vueltën e Spanjës pasi triumfoi në Turin e Francës, ndërsa sulmuesi “merenges” e tregoi menjëherë veten në La Ligë, pasi fitoi Këpucën e Artë me Francën në Kupën e Botës.
Shënoi 3 gola në fitoren 3-1 në javën e dytë të kampionatit ndaj Sociedadit në “Santiago Bernabeu”.
Baskët bënë rezistencë të fortë, por klasi ofensiv i ekipit të Zhoze Murinjos nuk mund të përballohej.
Mbape tundi rrjetën në minutat me zero prapa, në të 40-ën, 60-ën dhe 80-ën, dhe një herë realizoi edhe Vinisius.
Sociedad barazoi përkohësisht me kroatin Luka Suçiç.
Diferenca në tapet ishte e madhe, padyshim në talent, edhe pse zotërimi I topit ishte thuajse I barabartë.
Gjithsesi, sa herë madrilenët kapnin topin ishin të rrezikshëm, dhe jo më kot bënë 20 gjuajtje, nga të cilat gjysma në kuadrat, kundrejt vetëm 3 të miqve.
Në fushë, Murinjo pati ata që deshi që nga Kurtua, Damfris, Konate, Bernardo Silva, Valverde, Arda Gyler, Belingham, Vinisius e Mbape.
Pas pushimit, hynë edhe emra si Kukureja, Brahim Diaz dhe Diomande.
Reali ka 6 pikë të plota në dy ndeshje, pretendent për titull, dhe Mbape është kandidati numër 1 për Këpucën e Atë në Spanjë.
