Loading ...Nga 30 vatra zjarri që përfshinë vendin në 24 orët e fundit, të premten 8 prej tyre janë ende aktive. Flakët kanë rënë ne zona me pyje dhe sipas Agjencisë Kombëtare për Mbrojtjen Civile po punohet për shuarjen e tyre.
Dy helikopterë të Forcave të Armatosura po ndihmojnë zjarrfikësit për të shuarjen e vatrave në tre fshatra të Mallakastrës. Operacioni është përqendruar në terrene të vështira në Riban, Ngraçan dhe Panahor. Nga përllogaritjet paraprake rezulton se zjarret e ditëve të fundit kanë djegur rreth 180 hektarë pyll pishe.
Për shuarjen e flakëve në Dajt po punohet nga toka dhe ajri. 30 efektivë të shërbimit zjarrfikës dhe punonjës të zonave të mbrojtura po përpiqen të neutralizojnë flakët për shuarjen e të cilave po hedh ujë dhe një helicopter i Forcës Ajrore.
Në Cikallesh të Kavajës zjarri mbetet aktiv në terren të vështirë. Rreziku I përhapjes së flakëve pranë zonës së banuar ka bërë që në operacion nga ajri të angazhohet dhe avionic “air tractor” . Ndërsa në tokë zjarrfikësit e Kavajës po ndihmohen dhe nga ato të Rrogozhinës dhe Vorës.
Ndërsa në malin e Dardhës, Mjekës dhe fshatin Shqiponjë të Elbasanit vatrat janë nën kontroll dhe nuk paraqesin rrezik për zonat e banuara.
Ndërkohë 20 efektivë zjarrfikës me tre automjete po punojnë për shuarjen e zjarrit të riaktivizuar të enjten në Kostren të Beratit.
