Loading ...
Një aksident i rëndë ka ndodhur këtë të martë në aksin rrugor Cërrik-Mollas. Nga përplasja e dy automjeteve humbën jetën Qemal Çala 63-vjeç dhe Drilon Tabaku 22-vjeç të dy banorë të zonës. I plagosur ka mbetur shoferi i makinës tjetër që ndodhet në spital.
Dy viktimat kanë qënë duke udhëtuar në të njëtin automjet ndërsa mësohet se kanë ndërruar jetë në vendin e ngjarjes.
Sipas informacioneve paraprake, automjeti tip “Mercedes Benz”-i dhe “Smart” janë shkatërruar plotësisht dhe njëri prej tyre pas përplasjes ka dalë jashtë rruge.
Në vendin e ngjarjes kanë mbërritur menjëherë shërbimet e emergjencës, policia dhe grupi hetimor, të cilët kanë nisur punën për zbardhjen e plotë të rrethanave të aksidentit.
Paraprakisht dyshohet se shkak i përplasjes mund të ketë një manovër e gabuar gjatë lëvizjes, por pritet që hetimet e policisë të përcaktojnë dinamikën e saktë të ngjarjes.
