Loading ...TIRANË– Shumica e shqiptarëve nuk besojnë se rezoluta e përbashkët mazhorancë-opozitë për integrimin europian, e miratuar në Parlament, ishte thjesht rezultat i vullnetit të brendshëm politik.
53% besojnë se Brukseli ka marrë frenat e integrimit të Shqipërisë në BE dhe po i imponohet politikës në Tiranë.
Vetëm 9% mendojnë se PS dhe PD më në fund u bashkuan për hir të integrimit europian.
Ndërsa 38% mbeten ende skeptikë. Ata thonë se dokumentet janë thjesht formalitete dhe se asnjëra palë nuk është e sinqertë kur flet për integrimin ne BE.
Metodologjia e sondazhit:
KAMPIONI: 1223 banorë të rritur të Shqipërisë
•Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e vendit. Pyetësori u plotësua elektronikisht në mënyrë krejt anonime nga të anketuarit.
• Kampioni u kolaudua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike.
• Marzhi i gabimit statistikor për kampionin e plotë: +/- 2.8%./abcnews.al
