shqiptaret

WhatsApp-Image-2020-03-22-at-16.03.07-1.jpeg
nev ila16:45 | 22/03/2020

Shqipëria ndodhet nën masat drastike, që qeveria ka ndërmarrë, për të ndaluar përhapjen e virusit Covid-19. Prej disa ditësh, qytetarët lejohet të lëvizin vetëm në orare të përcaktuara, ndërkohë që prej të shtunës, të gjithë do të duhet të qëndrojnë në shtëpitë e tyre, deri mëngjesin e së hënës.

Pjesa më e madhe e qytetarëve janë ndërgjegjësuar duke u bindur ndaj urdhrave të dhëna, por ka patur edhe nga ata që e kanë të pamundur të qëndrojnë në shtëpi.

Siç shihet në këtë video të siguruar nga ABC News, qytetarë të ndryshëm kanë thyer rregullat e qëndrimit të detyruar, në shtëpitë e tyre.

Për shkak të papërgjegjshmërisë apo të nevojës për të dalë nga izolimi, ata mundohen ti fshihen patrullave të policisë për të evituar që të pikasen por nuk i kanë shpëtuar “syrit” të kamerave./abcnews.al

anastasiii.jpg
eri Ida15:32 | 21/03/2020

Kryepiskop i Tiranës, Durrësit dhe i Gjithë Shqipërisë  Anastasi ka bërë apel të gjithë besimtarëve dhe qytetarëve shqiptarë që të jenë sa më të bindur ndaj çdo urdhri dhe këshille të dhënë si një mënyrë për të parandaluar përhapjen e virusit COVID 19.

Në mesazhin e tij drejtuar qytetarëve Anastasi shkruan se është detyrë e secilit që të shmangë panikun, depresionin dhe dëshpërimin. Nga ne kërkohet gjakftohtësi, kthjelltësi, vëmendje dhe bindje e shtuar ndaj udhëzime vetë Qeverisë dhe të strukturave të shëndetësisë

 Mesazhi i plotë:

Vëllezërit dhe motrate mi të shtrenjtë,

Në këtë kohë, të gjithë jemi zënë në befasi, njësoj sikur të jetë shpallur një Luftë Botërore e re nga një armik i padukshëm.

Të gjithë,po qëndrojmë të pavendosur para ndryshimevetë paparashikueshme, që kjo pandemi (COVID-19) e paparë ndonjëherëka sjellë në jetën e të pasurve dhe të varfërve, tënjerëzve të shkolluar dhe të thjeshtë, nëshëndetin e tyre, në ekonomi, në lëvizjen e njerëzve, në format e argëtimit, në mënyrën se si festojmë.

Është detyra jonë që të shmangim panikun, depresionin dhe dëshpërimin. Nga ne kërkohetgjakftohtësi, kthjelltësi, vëmendje dhe bindje e shtuar ndaj udhëzimevetë Qeverisë dhe të strukturave të shëndetësisë. Duhet të falënderojmëpërzemërsisht të gjithë ata që përkujdesen për pastërtinë, rendin publik, informimin dhe mbi të gjitha mjekët dhe infiermierët, të cilët ndodhen në linjën e parë të luftës për shërimin e të sëmurëve.

Duke qëndruar brenda në shtëpi, le të mos lejojmë të na pushtojë nervozizmi dhe grindjet, por letë kultivojmë kreativitetin, predispozitën paqësore, mirësinë, mirëkuptimin, dhembshurinë dhe dashurinë.

Sa jemi besimtarë, le ta intensifikojmë lutjen tonë, që kjo periudhë sprove të mos zgjatë mëtej, që të shërohen të sëmurët rëndëe tëndalet përhapja e mëtejshme e pandemisë (COVID-19). Dhe, për më tepër, qëPerëndia të ndriçojë grupet e shkencëtarëve dhe të gjendet sa më shpejt trajtimi parandalues dhe shërues ndaj këtij virusi.

Mbi të gjitha,kemi nevojë urgjente që të forcojmë besimin tonë te Perëndia. Besimi dhe dashuria janë armët më të fuqishme mbrojtëse edhe ndaj sulmit të këtij virusi të padukshëm që po kërcënon njerëzimin. Në fund fare, diçka e mirë ka për të dalë edhe nga kjo krizë dhe shpresojmë që shoqëria njerëzore t’i rishikojë vlerat dhe përparësitë e saj.

Pra, vëllezër e motra, le t’i themi Jo tronditjes dhe shqetësimit! Le të kemi më tepër guxim e fuqi për ta përballuar me dinjitet këtë sprovë, le të tregojmë më shumë bindje ndaj udhëzimeve dhe mbi të gjitha, le të kemi solidaritet të sinqertë. Paqja dhe shpresa e Perëndisë le të fuqizojnë durimin dhe rezistencën tonë dhe le t’i drejtojnë vendimet që duhet të marrim nëzgjedhjet dhe ndryshimet që tashmë janë bërë të detyrueshme në jetën tonë.

5e691edd6155e200228111314-coronavirus-italia-super-tease.jpg
eri Ida14:04 | 18/03/2020

Ministria për Evropën dhe Punët e Jashtme ka një lajm të mirë për të gjithë shqiptarët të cilët kanë ngelur të bllokuar në Çeki dhe në Itali.

Përmes një njoftimi për mediat ministria bën me dije që qytetarët shqiptarë të mos shqetësohen për asnjë ndërshkim për shkak të shkeljes së afatit të qëndrimit.

Njoftimi i plotë:

Duke nisur nga data 2 mars 2020, është vendosur një pezullim 30 ditor i afateve për procedimet administrative lidhur me qëndrimin e shtetasve të huaj, në territorin italian. Pezullimi, vlen si për procedurat e lidhura me lejet e qëndrimit (aplikim i parë ose rinovim), ashtu edhe për vizat.

Për këtë arsye, bën me dije MEPJ, nuk do u jepet masa e përjashtimit nga territori italian qytetarëve të huaj, të cilët do të gjendeshin në situatë parregullsie, të shkaktuar nga pezullimi i korridoreve të transportit të qytetarëve me Republikën e Italisë.

Gjithashtu, sa i përket qëndrimit të qytetarëve shqiptarë në Republikën Çeke, MEPJ informon se të gjithë shtetasit e huaj, të cilët në momentin e shpalljes së gjendjes së jashtëzakonshme, ndodheshin në mënyrë legale në territorin çek, do të mund të vazhdojnë të qëndrojnë në këtë territor gjatë kohëzgjatjes së gjendjes së jashtëzakonshme, pa pasur nevojë të zgjidhin çështjet e statusit të qëndrimit të tyre./abcnews.al

ambasadat-shqiptare.jpg
nev ila20:56 | 16/03/2020

Mbyllja e shpejtë e kufijve botërorë ka gjetur të papritur dhjetëra shqiptarë të cilët kanë qenë jashtë vendit për arsye të ndryshme.

ABC News ka ndjekur rastet dhe ka kontaktuar selitë tona në vendet përkatëse.

Burimet tona bëjnë me dije se pranë Ministrisë së Jashtme është ngritur një Task-Forcë për të ndihmuar shtetasit shqiptarë të bllokuar.

Siç raporton gazetarja e ABC News, Esiona Konomi rastet që ka mësuar janë këto:

24 turistë shqiptarë nuk erdhën dot me autobus nga Budapesti në Tiranë, pasi Serbia mbylli kufijtë më Hungarinë. Ata po mbahen në Budapest dhe ambasada po përpiqet të gjejë bileta avioni për ta. Ambasada jonë atje i tha ABC News se biletat e para të lira janë për të enjten, datë 19 në mëngjes.

Ndërkohë, 9 persona që udhëtonin më 5 autovetura dhe 39 shtetas që udhëtonin me autobus nga Hungaria, ishin bllokuar ne kufirin serb, pasi Serbia ka mbyllur kufijtë. Pasi disa orësh pritjeje dhe me ndërhyrjen e Ambasadës në Beograd, ata u lejuan të vijojnë udhëtimin dhe kanë mbërritur në Shqipëri.

Në Itali gjendja është më problematike. Ka një numër shqiptarësh të cilët kanë mbetur në qytete të ndryshme italiane në pamundësi për t’u kthyer.

Një çift ishte nisur për në Itali ku gruaja merr trajtim mjekësor të vazhdueshëm. Ata ishim bllokuar ne Kroaci pasi u mbyllen kufijtë me Italinë. Këta persona e kishin të pamundur të ktheheshin vetë në Shqipëri, dhe janë transportuar me mjetet e ambasadave ne Kroaci, Bosnje dhe Mal te Zi, dhe janë kthyer në Shqipëri.

Nje shqiptare dhe djali i saj 11 vjeçar kane mbetur ne Barcelone pasi bileta e tyre e kthimit u anulua. Me ndërhyrjen e MEPJ u siguruan 2 bleta për t’u kthyer nesër (e martë) nëpërmjet Gjermanisë.

Të shtunën, një marinar shqiptar, që kishte ankoruar anijen në Sfax të Tunizisë ishte sëmurë dhe nuk në spital me friken e infektimit nga koronavirusi. Ai u ndihmua nga ambasada jonë ne Athine e cila mbulon dhe Tunizinë.

Dy shqiptarë janë në Poloni, pasi kishin shkuar për turizëm në Krakov. Ky shtet ka bllokuar kufijtë dhe ata kanë ngelur atje. Komunikimet me ambasadën dhe sugjerimet që kjo ka dhënë, kanë qenë të pasuksesshme dhe ata janë ende atje në pritje të një zgjidhjeje.

12 shqiptarë të tjerë qe kishin mbërritur në aeroportin e Podgoricës nga Suedia u ndaluan në kufi, por pavarësisht ndërhyrjeve të Ambasadës sonë atje dhe masave te marra nga MEPJ (siguruar autobusi dhe lejet e udhëtimit) pala malazeze i ktheu mbrapsht.

32 shqiptarë kishin ardhur nga Dubai në Shkup dhe u bllokuan nga autoritetet maqedonase. Ata kërkuan ndërhyrjen e Ambasadës, dhe më pas u sigurua një autobus dhe u nisen për në Shqipëri.

Sugjerohet që të gjithë shqiptarët që ndodhen në vende të ndryshme të botës, dhe që kanë urgjenca e domosdoshmëri për të lëvizur, përpara së të presin bileta apo të nisin udhëtime ajrore apo tokësore, të konsultohen me ambasadat tona në vendin përkatës, në mënyrë që të shmangen problemet

Po ashtu, 2 nga 3 shtetasit shqiptare, staf i kruazjeres Grand Princess, bllokuar në brigjet e Kalifornisë, u kthyen ne Shqipëri nëpërmjet Serbisë dhe më pas nga Beogradi në Tiranë të shoqëruar nga policia shqiptare. Shtetasi i tretë nuk u lejua të udhëtojë pasi ishte me temperaturë të lartë./abcnews.al

liqeniiiiiiiii.jpg
eri Ida17:48 | 14/03/2020

Qeveria ndalon frekuentimin e Liqenit Artificial ne Tiranë dhe zonave te tjera rekreative në perimetrin e ri të ri të blinduar.

Nuk kemi kohë për të vazhduar me sensibilizime pasi çdo orë është kritike për vijat e mbrojtjes individuale dhe kolektive. me e keqja nuk ka ardhur akoma”, tha Rama.

Qëndroni në shtëpi me qëllim që përhapja e koronavirusit të ri të ngadalësohet dhe spitalet të përballojnë fluksin e të sëmurëve. Apeli vjen nga kryeministri Edi Rama i cili iu referohet parashikimeve të ekspertëve që thonë se javën e ardhshme do të vërehet një rritje e numrit te te prekur nga COVID 19.

“Do të kemi më shumë të infektuar se këtë javë dhe javën tjetër pas kësaj edhe më shumë. Asnjë panik sepse kësaj si shmanget dot askush vetëm në javën e tretë të këtyrë dy javëve që ne kemi para do të shikojmë se ku kemi arritur ne dhe ku ka arritur armiku”, është shprehur Rama.

Ndërsa rastet e reja po konfirmohen, kjo pritet të shoqërohet me shtrëngim të masave për të miniminuar numrin e qytetarëve që mund të preken prej COVID 19./abcnews.al

apo-2.jpg
eri Ida07:50 | 05/03/2020

Shumë shqiptarë ende kërkojnë të gjejnë shpëtimin si azilantë. Edhe për vitin 2019, në raport me popullsinë, Shqipëria ka shënuar numrin më të lartë të azilkërkuesve, duke u renditur kështu në vendin e parë me 59 aplikime për çdo 10 mijë banorë, sipas të dhënave të Zyrës Europiane të Azilantëve (EASO), të përpunuara në raport me popullsinë. Madje lë pas me një diferencë të konsiderueshme, si Siria apo Afganistanit.

Monitor bëri përllogaritjet në raport me popullsinë për të pasur të dhënat të krahasueshme midis shteteve, ku për të disatin vit radhazi, Shqipëria e vogël rezulton e para në botë për aplikime në raport me popullsinë.

Sipas të dhënave të Zyrës Europian të Mbështetjes së Azilit, edhe si numër aplikimesh në vlerë absolute, Shqipëria renditet në 10 vendet kryesore të origjinës së azilkërkuesve.

Në raport me popullsinë, me një diferencë të theksuar, në vend të dytë renditen sirianët, të cilët në raport me popullsinë regjistruan 39 aplikime për çdo 10 mijë banorë, apo rreth 20 aplikime më pak se shqiptarët.

Në vend të dytë renditen afganët, ku për çdo 10 mijë banorë numri i aplikimeve ishte 17, ndjekur nga Venezuela me 14 aplikime, Iraku dhe Kolumbia me përkatësisht 9 dhe 7 aplikime për çdo 10 mijë banorë.

Ndër 10 vendet kryesore të origjinës Turqia, Irani, Pakistani dhe Nigeria kanë  një numër më të ulët aplikimesh në raport me popullsinë. Kështu turqit dhe iranianët kishin një normë prej 3 aplikimesh për 10 mijë banorë, ndjekur nga pakistanezët dhe nigerianët me 1 aplikim.

Aplikimet nga Shqipëria u rritën sërish në 2019-n

Të dhënat e Zyrës Europiane të Azilantëve (EASO) bënë të ditur se në vitin 2019, aplikimet për azil nga Shqipëria ishin 22.9 mijë, me një rritje të lehtë prej 2% në raport me vitin e mëparshëm, duke iu kthyer tendencës rritëse pas katër vitesh radhazi kur numri i azilantëve po vinte në rënie.

Rreth 88% e aplikimeve ishin për herë të parë, kurse pjesa tjetër ishin aplikime të përsëritura. Numri më i lartë i kërkesave për azil ishte në mars, shtator dhe tetor, kur i kaloi 2 mijë në muaj.

Të dhënat e EASO tregojnë se në total ka një numër prej rreth 15 mijë rastesh që janë pezull. Përgjithësisht, mbi 90% e vendimeve për herë të parë që merren për azilantët shqiptarë janë negative, pasi Shqipëria konsiderohet si një vend i sigurt.

Të dhënat historike (shih grafikun) tregojnë se që nga viti 2013 ka një rritje të kërkesave për azil, që kulmoi në 2015-n, me rreth 68 mijë dhe më pas ndonëse erdhi në ulje, sërish mbeti më i larti nga shtetet e tjera të Europës që nuk janë pjesë e BE-së.

Në total, që nga viti 2013, janë rreth 200 mijë persona që kanë kërkuar azil në një nga vendet e BE-së./Monitor

dokt-1280x663.jpg
eri Ida17:15 | 26/02/2020

Shefi i shërbimit të mikrobiologjisë në QSUT, Andi Koraqi është shprehur se koronavirusi është një virus i ri i zbuluar dhe është e vështirë që të ketë të dhëna fikse në lidhje me këtë.

Koraqi nga studio e ABC News është shprehur se për shkak se është virus i ri e kanë të vështrirë që të kenë fakte të shkruara. Siç theksoi ai u tha se nuk prekte fëmijët por në Itali janë raportuar fëmijë me korona dhe pse janë më të fortë në imunitet dhe e kalojnë me lehtë.

Ndër të tjera shefi i  mikrobiologjisë në QSUT, përballë gazetarit Endri Xhafo ka deklaruar se laboratorët e QSUT-së kanë të gjithë kapacitetet për ta përballuar një situatë të tillë.

Gjithahstu ai ka theksuar se koronavirusi më shumë se me një gjendje gripale është i ngjashëm me HIV.

Pjesë nga Intervista:

Koronaviruesi aktual thuhet se ka pasur një thysë ndekshmërie më të vogël se SARS, a qëndron sërish kjo?

Patjetër, pasi vdekshmëria është 2 % e vdekshmërisë në krahasim me SARS që arrinte deri në 10 % është një virus i ri që ka ardhur nga kafshët, karakteristikë është se toorikisht ato duhet të ishin shumë të ndjëshëm ndaj ambjentit të jashtëm.

Ju ma konfirmoni se koronaviruset të gjithë tipet duke lënë Mersin dhe Sars në verë zhdukeshin. A do të zhduket me temperaturat e larta koronavirusi?

Pritet që të zhduket. Është një virus jo shumë i studiuar nuk ka asnjë të shënuar ka raste që fëmijët janë shumë pak të prekur por në itali kemi dhe fëmijë të prekur. Nëse janë prekur

Sa zgjat një periudhë shërimi nga koronavirusi?

Nuk  është se ka ndonjë të dhënë, ajo që është vënë re është një zgjatje e periudhës para se të sëmuremi, nga 14 dite tashmë ka mendime që shkon deri në 24 ditë. Është një virus i ri i pa studiuar.

Si shpjegohet  përhapja, Zvicra, Kroacia, Austria. Si është e mundur që me fluksin e udhëtimve ne sot jemi zero. A ekziston nga shkenca që njerëzit mund të jenë të prekur?

Thuhet se ¾ janë dhe pa shenja klinike ne deri më tani nuk kemi asnjë rast të konfirmuar. OBSH bën me dije se nëse nuk ka lidhje me një nga vendet që konsiderohet i rrezikshëm atëherë ai nuk mund të cilësohet si një person i infektuar. Nëse ne jemi më shumë në kontakt me viruset dhe bakteret bën që ne jemi më të fuqishëm si imunitet sesa me personat që janë steril.

Si mund të vetëkarantinohet një person në një familje me dy fëmijë dhe bashkëshorte?

Nëse ty të shfaqen shenjat klinike për 14 ditë dhe ti ke qenë transmetues ndaj nuk ka asnjë arsye që të izolohesh vetëm. Virusi nukpërkapet me anë të ajrit por me sperkla. Jetesa në familje është e rëndësishme mos të prekësh dhe të mos puthësh. Larja e duarve është një ndër mbrojtet kryesore që mund të bëni ndaj këtij virusi.

Nsa e mujndur është që ne të mos ta kuptojmë se e kemi mes nesh?

Problemi është se nuk kemi asnjë të dyshuar, por kjo mund të lidhet dhe me faktin se mund të kemi një imunitet më të fortë.

Si po e trajntojnë në itali?

Vaksina do të ndjekë rrugën e saj pasi ajo nuk mund të prodhohet para gjashtë muajsh. Italianët po përdorin medikamentë që përdoren ndaj HIV ka një ngjashmëri mes këtyre dy viruseve. Koronavirusi nuk është i ngjashëm me gripin por me HIV. Kanë të dy përbërës ARN dhe transmetimi ndodh përmes saj. /abcnews.al

rama-luan.png
eri Ida15:41 | 24/02/2020

Zëvendëskryetari i Lëvizjes Socialiste për Integrim Luan Rama është shprehur se tashmë ka ardhur koha që të gjithë të bëhemi bashkë kundër shkelësve të ligjit.

Rama përmes një deklarate për mediat i ka bërë thirrje SPAK që të jetë sa më transparent në trajtimin e çështjeve dhe të rikthejë besimin te qytetarët shqiptarë.

Organet e zbatimit të ligjit, SPAK duhet të ndërhyjë menjëherë sipas kodit të procedurës penale për të ndaluar veprimin e keqbërësve kudo që gjenden në KED apo Ministrinë e Drejtësisë, në kuvend apo në qeveri në mënyrë që duke vepruar me forcën e ligjit të parandalojnë thellimin e mëtejshëm dhe të zbardhen të vërtetat e puçit kushtetues në përpjekje për të dhunuar kushtetutën dhe rrëzuar republikën.

Veprimi i SPAK është i rëndësishëm për të vendosur ligjin, për të ndëshkuar keqbërësit dhe për të treguar integritet në zbatimin e ligjit dhe SPAK të japë mesazhin e pare tek qytetarët që mund dhe të kenë besim tek drejtësia e re. Çdo alibi për tu fshehur pas koronaviorusit apo pas krimovirusit të qeverisë është shërbim për të fshehur dhe për t’i shërbyer antikushtetueshmërisë,” tha Rama.

Ndër të tjera në deklaratët e tij zëvendëskryetari Rama ka bërë thirrje shqiptarëve që me datën 2 mars të jenë në Bulevard në mbrojtje të kushtetutës dhe të pavarsisë së institucioneve.

2 mars është data që ndan shqiptarët që duan Shqipërinë, shqiptarët që duan atdheun, shqiptarët që respektojnë dhe nderojnë Kushtetutën, përballë çetës së horrave dhe fallsifikatorëve, që duke shkelur ligjin mendojnë të kapin edhe Gjykatën Kushtetuese, për t’ia kundërvënë pastaj këtë institucion për interesat e tyre kriminale, interesave europiane të vendit. Data 2 mars është datë apel për të gjithë qytetarët shqiptarë për të qenë të gjithë bashkë, në anën e Republikës, për të qenë bashkë në anën e Kushtetutës”, është shprehur Luan Rama./abcnews.al

Spaccio-di-droga-780x400-1.jpg
eri Ida15:53 | 20/02/2020

Policia italiane ka vënë në pranga katër shqiptarë të cilët i kanë kërkuar një italiani që t’u kthente menjëherë borxhin që iu kishte.

Italiani u kishte borxh shqiptarëve, kryesisht para që ishin përdorur në kumar dhe për konsum droge. Mediat italiane raportojnë se shqiptarët i dërgonin italianit kërcënime me vdekje, të cilat ishin dërguar në telefonin e tij gjatë orëve të ditës dhe të natës, thuajse pa ndalim. Duke qenë në këto kushte, italiani 50-vjeçar nuk kishte mënyrë tjetër, përveç se të drejtohej në polici.

Informacionet bëjnë me dije se të arrestuarit janë A.C., 37 vjeç, nga Silvi si dhe E.N., 35 vjeç, S.T., 22 vjeç dhe E.B., 28 vjeç, të gjithë shqiptarë, por banorë të Alba Adriatica. Ata do të duhet të përgjigjet për veprat penale të zhvatjes së rëndë me dashje, si dhe për përdorim të një armë prerëse.

Gjithashtu një nga të dënuarit shtetasi me iniciale E.N në bazë të hetimeve është zbuluar se duhet të linte territorin kombëtar italian, pasi ndaj tij ekzitonte urdhër-dëbimi nga kuestura e Romës. /abcnews.al

monika-1582048381.jpg
eri Ida19:01 | 18/02/2020

Kryetarja e LSI-së, Monika Kryemadhi në një takim me strukturat e kësaj force politike në Durrës ka komentuar 1.15 miliardë eurot e mbledhura për Shqipërinë në konferencën e donatorëve.

Në fjalën e saj nga Durrësi Kryemadhi është shprehur se atë që kryeministri Rama e shet si fitore është në ngarkim të qytetarëve shqiptarë, sepse 850 milionë euro prej 1.15 miliard eurove janë borxhe dhe do ti paguajnë taksapaguesit shqiptarë.

“Asnjërit prej nesh qeveria nuk është ulur ti ofrojë diçka dhe ti thotë po të dal diçka. Kjo qeveri është e rrëzuar, por ne akoma nuk po e kuptojmë që rrëzimi i kësaj qeverie do të tërheq zvarrë të rinjtë shqiptarë. Falënderoj të gjithë miqtë e shqiptarëve që në takimin e djeshëm i ofruan Shqipërisë bujarinë e tyre. Kjo bujari nuk ishte ndaj tij dhe qeverisë, por ndaj shqiptarëve dhe familjeve të tyre që është sot e kësaj ditë flenë në çadra në oborret e shtëpive të tyre. E gjithë kjo bujari nuk është gjë tjetër veçse respekt, mirënjohje, përkrahje, solidarizim për atë që i dhanë Shqipërisë dhe shqiptarëve. Nuk mund të thuash që është meritë e një kryeministri që të marrë 850 milionë euro borxh dhe do ti paguajnë shqiptarët me taksat e tyre. Rama do fusë dorën në xhepin e shqiptarëve për të shlyer borxhet,” tha Kryemadhi.

Kryetarja e LSI-së është shprehur se shqiptarët nuk duhet të habiten kur fatura e dritave, ujit apo edhe çdo taksë bashkiake të vijë dyfish më e shtrenjtë.

“Nëse e kemi paguar faturën 70, 100 mijë lekë të vjetra mos u çudisni kur kjo faturë të dyfishohet dhe çmimi i karburantit gjithashtu. Mos u çudisni edhe kur fatura e ujit, kur mos kemi ujë në rubinete të paguhet dyfish”, është shprehur kryetarja e LSI-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono